Бер ҙә һынатҡы килмәй

Мәктәбебеҙҙә Экология һәм айырыуса һаҡланған тәби­ғәт биләмәләре йылын йомғаҡлап, башланғыс синыфтар араһында бик күңелле һәм файҙалы кисә үтте. Был сараның төп маҡсаты, берҙән, тәбиғәткә һөйөү, һаҡсыл ҡараш тәрбиәләү, икенсе яҡтан, балаларҙың ижади һәләттәрен үҫтереү ине.

Илап ҡаршы алғайны, йырлап оҙатып ҡалды

Минең ғаиләм Нефтекама ҡалаһында йәшәй. Йәйге каникулымды Тәтешле районының Гәрәбаш һәм Аҡсәйет ауылдарында үткәрергә яратам. Унда олатай­ҙарым менән өләсәйҙәрем бар. Беҙ уларға бесән әҙерләргә ярҙамлашабыҙ. Үткән йәйҙе лә ауыл һауаһы һулап уҙғарҙыҡ һәм, әлбиттә, «бесән операцияһы»нан да ситтә ҡалманыҡ. Ундағы бер көнөбөҙҙө яҙып үтмәксе булдым әле.

Нимә ул экобокс?

Рәсәйҙә Президент указы менән 2017 йыл Экология йылы тип иғлан ителгәйне, ә Башҡортостанда Экология һәм айырыуса һаҡланған тәбиғәт биләмәләре йылы булараҡ билдәләнде. Исемле йыл уңайынан хәл ителәһе төп маҡсаттар булып, һәр кешене экологик өлкәләге проблемалы һорауҙарға йәлеп итеү һәм илебеҙҙәге экологик хәүефһеҙлек торошон яҡшыртыу торҙо. Ә иң борсоған мәсьәләләрҙең береһе – ҡый ҡалдыҡтарының күпләп өйөлөүе. …

Continue reading ‘Нимә ул экобокс?’ »

Тамаша ҡыҙыҡ булды

Экология йылы тамамланып килә. Уға арнап беҙҙең «Толпар» балалар баҡсаһында, йомғаҡлау сараһы булараҡ, бәләкәй спектакль күрһәтелде. Билдәле урыҫ яҙыусыһы Иван Крыловтың «Сиңерткә һәм ҡырмыҫҡа» әҫәрен хәтерләмәгән кеше юҡтыр. Шул мәҫәл сәхнәләштерелде.

Матурлыҡты һаҡлай ҙа беләйек!

Донъялағы бөтә тереклектең дә матурлығы, һөйкөмлөлөгө бар. Мәҫәлән, ҡояшлы көнгә, хуш еҫле сәскәләргә, күҙҙең яуын алырҙай тәбиғәт күренештәренә беҙ һоҡланыуыбыҙҙы йәшерә алмайбыҙ. Ниндәй генә миҙгел булмаһын – ҡояшлы йәйме, ҡарлы-буранлы ҡышмы – тәбиғәтебеҙ үҙенең матурлығын һис тә юғалтмай. Ләкин гүзәллеккә һоҡланыу ғына етмәй, уны һаҡлай, яҡлай ҙа белергә кәрәк.

Йомғаҡ яһар мәл етте

Роза БАЙЙЕГЕТОВА, Баймаҡ районы Йомаш мәктәбенең «Ҡайынҡай» мәктәп урмансылығы етәксеһе: – Йылдың ошо исемдә үтеүе бик яҡшы этәргес булды. Планлаштырылған күп эштәрҙе башҡарҙыҡ. Белем усағыбыҙҙа оҙаҡ йылдар мәктәп урмансылығы эшләп килә. Экология һәм айырыуса һаҡланған тәбиғәт биләмәләре йылын асып, февралдә етәкселәр өсөн «Планета яҙмышы – беҙҙең ҡулда» тигән район семинарын ойошторҙоҡ, оҫталыҡ дәрестәре күрһәттек.

Ер яҙмышы – беҙҙең ҡулда

Дәрестә «Исем» темаһын өйрәнгәндә уҡытыусының: «Ауыл, йылға,тау исемдәре – яңғыҙлыҡ исемдәр һәм улар ҙур хәреф менән яҙыла», – тигән һүҙҙәре ни өсөндөр күңелемә инеп ултырҙы. Өләсәйем күҙ алдына килеп баҫты. Ул да яңғыҙы йәшәй һәм беҙ уға ярҙам итәбеҙ, үҙе әйтмешләй, тормошон еңеләйтәбеҙ. Ҡәҙерлебеҙ һәр килеүебеҙҙе шатланып көтөп ала, берәй эшен баш­ҡарһаҡ: «Ҡалай өйөм матурайып, …

Continue reading ‘Ер яҙмышы – беҙҙең ҡулда’ »

Минең илкәйем

Картаға ҡараһаҡ, беҙҙең Башҡортостан бәләкәй ге­нә. Ә бит Ватаным шул тиклем мөһабәт! Башҡорт­остандың күкһел бейек тау­ҙары, бәрәкәтле баҫыу­ҙары, көмөш һыулы шишмәләре, зәңгәр күлдәре хайран ҡалырлыҡ. Тыуған яғымдың хуш еҫле сәскәләре, хатта әреме лә бал һымаҡ. Ә һайрар ҡоштарын тыңлаһаң, күңелгә рәхәт, йәнгә сихәт. Башҡортостан! Мин ошо изге ерҙә тыуып үҫеүем менән бәхетлемен. Дан йырлайым, һиңә, …

Continue reading ‘Минең илкәйем’ »

Тәбиғәттең серҙәре күп

Күсейемдең күркәм ере – Йәнтәл тауында торам. Сәстәремде сихри ел ҡуҙғыта. Алтын ҡояш та мине иркәләй. Күҙҙәремде йомам. Эй, ниндәй рәхәт! Ипләп кенә күҙҙәремде асам. Әле генә йәп-йәшел булған ҡайындар алтындай һары төҫкә ингән – ҡояш төҫөнә. Эй, тәбиғәтем, мине ашатҡан, кейендергән, йәшәткән тәбиғәтем, рәхмәт һиңә!

Яҡлай ҙа беләйек

Башҡортостан тәбиғәте бик бай. Ләкин уның ҡалын урмандары, мул һыулы йылғалары, зәңгәр күлдәре яҡлауға мохтаж. Һәр кеше тыуған еребеҙ күркен һаҡлау өсөн бөтә көсөн һалырға тейеш. Урмандарҙы ҡәҙерләйек, ағастарҙы һындырмайыҡ, ҡош ояларына теймәйек, дуҫтар.