Бөгөнгө мода: башҡортса һөйләшеү, «Йәншишмә»гә яҙылыу!

Радий ХӘБИРОВ, республика Башлығы вазифаһын ваҡытлыса башҡарыусы:
– Бөгөн минең башҡорт телем өсөн «икеле» ҡуймағыҙ. Бер нисә фекерем бар ине. Һеҙҙең менән уртаҡлашырға уйлайым. Тулыһынса уҡырға “Бөгөнгө мода: башҡортса һөйләшеү, «Йәншишмә»гә яҙылыу!” »

Яҙыл, уҡы, булма ғәмһеҙ, «Йәншишмә»һеҙ — донъя йәмһеҙ!

Ҡәҙерле дуҫтар! 2019 йылдың икенсе яртыһына подписка дауам итә. Ваҡытығыҙ иркенерәк саҡта хәҙерҙән үк «Йәншишмә»гә яҙылып ҡуйһағыҙ, һәйбәтерәк булыр. Юғиһә, уҡыу йылы аҙағына табан эштәр күбәйеп китеүсән ул: имтихандар, баҡса эштәре, төрлө походтар…

Гәзитебеҙгә бер айға яҙылыу хаҡы – 82 һум 31 тин, ярты йылға – 493 һум 86 тин.
Индексы – П2765.

Яҙылыу әмәлен таптылар

Беҙҙең интернат-гимназияның V «В» синыфы уҡыусылары тәрбиәселәре Нәсимә Фәйзи ҡыҙы Имакова етәкселегендә иҫке ҡағыҙ йыйып тапшырҙылар ҙа аҡсаһына «Йәншишмә» гәзитенә яҙылып ҡуйҙылар. Тулыһынса уҡырға “Яҙылыу әмәлен таптылар” »

Изгелек ерҙә ятып ҡалмаҫ

Күптән түгел төрлө район белем усаҡтарының бер төркөм уҡытыусылары Башҡортостандың 100 йыллығына балаларға гәзит яҙҙырып, ҙур бүләк эшләгәйне. Афарин! Бына тағы яҡшы хәбәр алдыҡ. Тулыһынса уҡырға “Изгелек ерҙә ятып ҡалмаҫ” »

«Һеҙ ҡурҡмағыҙ, беҙ бергә!»

«Башҡортостан Республикаһының атҡаҙанған уҡытыусыһы» тигән маҡтаулы исемгә
лайыҡ булыусы уҡытыусылар.

Баш ҡалабыҙҙың «Торатау» конгресс-холында башҡорт теле һәм әҙәбиәте уҡытыусыларының беренсе Бөтә Рәсәй съезы уҙҙы. Бындай мөһим сарала республикабыҙҙың район, ҡалаларынан, Ырымбур, Силәбе, Ҡурған, Һамар, Һарытау, Свердлов өлкәләре, Татарстан Республикаһы, Пермь крайы, Ханты-Манси автономиялы округы, Мәскәү, Санкт-Петербург ҡалаларынан да мәртәбәле ҡунаҡтар, белем биреү ойошмалары етәкселәре, уҡытыусылар, педагогик хеҙмәт ветерандары, ағинәйҙәр, ата-әсәләр йәмәғәтселегенән вәкилдәр ҡатнашты. Ике көн буйына барған туған тел форумына барлығы 600-ҙән ашыу делегат килеү бәхетенә иреште. Тулыһынса уҡырға “«Һеҙ ҡурҡмағыҙ, беҙ бергә!»” »

Күрһәтер эшебеҙ, уртаҡлашыр тәжрибә бар

Башҡорт теле уҡытыусылары съезы барышында делегат­тар өсөн Өфөләге Рәми Ғарипов исемендәге 1-се республика баш­ҡорт интернат-гимназияһына, Мөхәмәт Исҡужин исемендәге 136-сы башҡорт лицейына, Мостай Кәрим исемендәге 158-се, Фатима Мостафина исемендәге 20-се башҡорт гимназияларына сәйәхәттәр ҙә ойошторолдо. Тулыһынса уҡырға “Күрһәтер эшебеҙ, уртаҡлашыр тәжрибә бар” »

Ейәнсәре – уның ҡыуанысы

– Өләсәй, ауырыма инде, йәме. Мин яныңда ғына булырмын.
– Бәлки, Өфөгә гимназияға барырһың, ҡыҙым, аҙаҡ үҙеңә уҡырға инеүе лә еңелерәк булыр.
Шулай тип әйтеп ҡараһа ла, ейәнсәре өләсәһе һүҙе­нә ҡолаҡ һалмай.  Тулыһынса уҡырға “Ейәнсәре – уның ҡыуанысы” »

«Тыуған республикама – һөйөү һүҙҙәре»

Бәйгелә ҡатнашыусылар.

«Мөғжизәләр яланы» уйыны.

Республикабыҙға 100 йыл тулыу уңайынан беҙҙең Белорет районының үҙәкләштерелгән китапханаһы тарафынан ойошторолған шундай исемле проект старт алды. Унда һәр китапхана ҡатнаша, йәрәбә ярҙамында һайланып алынған темалар буйынса төрлө саралар үткәрелә.
Ғәбдөк ауылы моделле китапханаһына «Өфө – Башҡортостандың баш ҡалаһы» тигәне эләкте. Беҙ уға арнап «Мөғжизәләр яланы» уйынын үт­кәрҙек. Бәйге балалар өсөн бик ҡыҙыҡлы булды. Һәр ҡатнашыусы еңергә те­ләп, сәмләнеп ярышты. «Ҡатнашыусы телмәре» секто­ры сыҡҡан уйынсы үҙенең яратҡан шиғырын һөйлә­һә, «Приз» исемлеһендә сувенир бүләк ителде. Аҙаҡтан уйында ҡатнашыусыларҙың барыһына ла тәмлекәс-приздар бирелде.

Сәриә ЗАКИРОВА, ауыл китапханасыһы.
Белорет районы, Ғәбдөк ауылы.

Минең бишенселәрем

Владимир Ленин исемендәге 2-се интернат-лицейҙың V синыфында һәр яҡлап та әүҙем, тырыш балалар белем ала. Улар яҡшы уҡыуҙары менән бергә төрлө конкурстарҙа ла әүҙем ҡатнаша. Ҡыҙҙар, малайҙар китап уҡырға ла бик әүәҫ. Китапхананан төрлө әҙәби әҫәрҙәр алып ҡына торалар. Тулыһынса уҡырға “Минең бишенселәрем” »