Ҡәҙерле атай-әсәйҙәр, олатай-өләсәйҙәр, хөрмәтле уҡытыусылар, етәкселәр һәм эшҡыуарҙар!

Изге ураҙа айында балаларға рухи аҙыҡ – «Йәншишмә»гә подписка бүләк итһәгеҙ, үҙегеҙгә мең сауап алырһығыҙ. Туғандарығыҙға, тыуған ауылығыҙ мәктәбенә, китапханаларға яҙҙыр­ған милли баҫмабыҙҙы йөҙәрләгән кеше уҡып ҡыуаныр һәм һеҙгә рәхмәттәр яуҙырыр.
Милләттәштәр! Киләсәгебеҙҙе уйлайыҡ, балаларыбыҙҙы «Йәншишмә»һеҙ ҡалдырмайыҡ.

Гәзиткә яҙылыу хаҡы – 476 һум 28 тин, индексы – 50605.

Мәктәп эсе гөр килә

Мауыҡтырғыс уйын менән көндөң үткәне һиҙелмәй ҙә ҡала.

Баймаҡ районының Сәйғәфәр урта мәктәбендә яйы тура килгән һайын булып торам. Был юлы ла ауылға юл төшкәс, күңел шунда тартты. Әммә хәҙер уҡыуҙар бөткән, шуға берәүҙе лә осратып булмаҫ, бәлки, тигән икеләнеү ҙә бар ине.

Тулыһынса уҡырға “Мәктәп эсе гөр килә” »

Себен, тигәнем…

Эх, рәхәт тә инде йәмле йәй көндәре! Ҡояш менән бергә таң һарыһынан тороп мәктәпкә бараһы ла юҡ. Йоҡоң туй­ғансы иркәләнеп кенә ятаһың йомшаҡ ҡына юрған аҫтында! «Өйгә эшеңде эшләнеңме?» – тип йонсотоусы ла юҡ, ҡыҫҡаһы, лафа… Ҡыш буйына: «Эх, йәй етһә, йоҡоно бер туйҙырыр инем!» – тигән күптәнге хыялым тормошҡа ашты.

Тулыһынса уҡырға “Себен, тигәнем…” »

Һуғыш йылъяҙмасыһы

Башҡортостан Республикаһының Милли архивында 112-се Башҡорт кавалерия дивизияһы яугиры, Яҙыу­сылар союзы ағзаһы, фронтта нәшер ителгән «Ҡыҙыл атлылар» гәзите хеҙмәткәре Әхтәм Сөләймән улы Ихсановтың шәхси фонды һаҡлана. Ул 1908 йылдың 24 декабрендә хәҙерге Күгәрсен районының Аҡман-Ибрай ауылында тыуып үҫә. 1929 йылдан «Башҡортостан йәштәре», «Коммуна», «Баҫыу ударнигы» һәм «Удар төҙөлөш» гәзиттәре редакцияларында эшләй. 1933 – 1937 йылдарҙа «Башҡортостан» гәзитенең мәҙәниәт бүлеге мөдире вазифаһын башҡара.

Тулыһынса уҡырға “Һуғыш йылъяҙмасыһы” »

Мәскәүҙән дә миҙал менән ҡайтҡан

Гөлсинә Нәбиуллина гимназиябыҙҙың VI синыфын «бишле»гә генә тамамланы. Был ҡыҙ мәктәп тормошонда бер ҙә һынатмай. Башланғыс синыфтарҙа уҡығанда гимназия уҡыусылары менән Мәскәү­ҙә ойошторолған Халыҡ-ара «Олимп» олимпиадаһында ҡатнашып, III дәрәжә диплом һәм миҙал менән бүләкләнгәйне. Ҡала һәм мәктәп кимәлендә үткәрелгән фәнни-тикшере­неү эштәрендә еңеү­ҙәрен һанап та бөтөргөһөҙ. Шиғырҙар­ҙы тасуири итеп һөйләй белгән, төплө фекер йөрөткән Гөлсинәне барыһы ла ихтирам итә.

Тулыһынса уҡырға “Мәскәүҙән дә миҙал менән ҡайтҡан” »

Ямғыр ҡамасаулаһа ла…

Малайҙар ялға туҡталған саҡ.

Әлиә Саттарова, Юлиә Исхаҡова, Айгүзәл Бирҙина сәскә тәрбиәләй.

Быйылғы ямғыр ялҡытты. Туҡтауһыҙ яуа ла яуа. Ҡасан тымыр икән?
Яҡшембәт мәктәбенең һигеҙенселәре һауа торошоноң яҡшырыуын көтөп ултырмай. Ана, нисек тырышып мәктәп баҡсаһында эшләп йөрөйҙәр. Етәкселәре Зилә Биктимер ҡыҙы Искәндәрова һәм Гүзәл Әхәт ҡыҙы Мирасова менән 15 көн практика үтәләр.
– Ямғыр күп яуғас, ҡый үләндәре баҫа ла китә, шуға ныҡ тырышырға тура килә. Балалар һынатмай. Айырыуса Нияз Йосопов, Азамат Хәйбуллин, Нияз Әхтәмовтарҙы маҡтарға була. Ә ҡыҙҙарыбыҙ сәскәләр ҙә ултыртты, Әлиә Саттарова, Юлиә Исхаҡова, Айгүзәл Бирҙиналарҙың уңғанлығы һоҡландырҙы, – ти Зилә Биктимер ҡыҙы.
Мәктәп баҡсаһында эш ҡайнай. Һигеҙенселәрҙән һуң сират башҡа синыфтарға ла етәсәк.

М. СӘЙЕТОВ.
Көйөргәҙе районы.

Тырышлыҡ бушҡа булмаҫ

Көсөргәнешле уҡыу йылы тамамланыу менән һигеҙенсе синыф уҡыусылары өсөн мәктәбебеҙҙә «Ҡырмыҫҡа» исемле хеҙмәт лагеры эшләне. Уны Экология йылына арнаныҡ. Бергәләп ҡарағай үҫентеләрен ултырттыҡ, тирә-яғыбыҙ йәшеллеккә төрөнөүен, һауабыҙ саф, таҙа булыуын теләп, уҡыусылар бик әүҙем эшләне. Бер нисә йылдан улар шаулап үҫеп китер әле.

Тулыһынса уҡырға “Тырышлыҡ бушҡа булмаҫ” »

Рәхмәт әйтерҙәр беҙгә!

Әкиәт

Борон замандарҙа түгел,
Әле беҙҙең көндәрҙә,
Тәбиғәттең ҡосағында
Йәшәгән, ти, бер ғаилә.

Ер-әсәнең шәфҡәт нуры
Бар йыһанды балҡытҡан,
Күкбатырҙың эшсәнлеге
Тирә-яҡта дан тотҡан.

Тулыһынса уҡырға “Рәхмәт әйтерҙәр беҙгә!” »

«Йәшел утрау»ҙа

Ялығыҙ нисек үтә, дуҫтар? Беҙҙең балаларҙыҡы бик шәп! Исмаил мәктәбендәге «Йәшел утрау» лагеры хаҡында, бәлки, ишеткәнегеҙ ҙә барҙыр әле. Ниндәй генә саралар, конкурстар үткәрелмәй беҙҙә. Барыһын да «Йәйләү» программаһына нигеҙләнеп ойошторабыҙ. «Тирмәкәй», «Оҫта ҡулдар», «Аҡыллылар», «Инглиз теле менән рәхәтләнеп» түңәрәктәре лә эшләп килә. Ҡыҙҙар һәм малайҙар бик теләп шөғөлләнә. Төрлө иҫтәлекле урындарға, музейҙарға экскурсияларға ла йөрөйбөҙ. Күҙҙе ҡыҙҙырырлыҡмы? Ял итеүселәр был лагерға көн һайын ашҡынып килеп, матур тәьҫораттар алып ҡайта.

Айгөл ҒӘЛИЕВА.
Дүртөйлө районы.

Тулыһынса уҡырға “«Йәшел утрау»ҙа” »

Хатта рәхәт сәйәхәттә!

Интернат-гимназиябыҙҙың 10 уҡыусыһы Өфө ҡалаһына барып ҡайтты. Был сәйәхәткә иң-иңдәр – тарих менән ҡыҙыҡһынған, уҡыу йылы дауамында ошо өлкәлә уңыш ҡаҙанған ҡыҙҙар һәм малайҙар ғына һайлап алынды.
– Беҙҙең интернат-гимназия музейы үткәнебеҙгә ҡыҙыҡһыныу уятыу йәһәтенән төрлө акциялар уҙғара. Әлеге сәйәхәт тә ошо изге ниәттән сығып ойошторолдо, – ти тарих уҡытыу­сыһы Зилә Сир­ғәлина.

Тулыһынса уҡырға “Хатта рәхәт сәйәхәттә!” »