Һәр саҡ ярҙамға әҙер

Их, иң оҙон каникул тамамланыуға ла аҙ ғына ваҡыт ҡалды. Йәйгелеккә алған пландарығыҙҙы үтәй алдығыҙмы, дуҫтар? Күптәр ялын файҙалы итеп, эш менән үткәрергә тырыша. Өфө районы Шамонин ауылында ла байтаҡ ундай уҡыусылар. Шуларҙың береһе Булат Хәмиҙуллин исемле малай менән таныштым әле. Ул VII синыфҡа күскән. Яҡшы уҡый. Инглиз теле түңәрәгенә һәм таэквондо секцияһына йөрөй. Яратҡан шөғөлдәре ифрат күп икән.

Тулыһынса уҡырға “Һәр саҡ ярҙамға әҙер” »

Ҡайҙа булған гөбөргәйелем?

Учалы районында йәшәгән өләсәйемдең ике гөбөргәйеле бар. Динға – ете, Рияға ун йәш инде. Һеңлем менән каникулда уларҙы ашатырға, ҡарарға яратабыҙ. Йәйге йылы көн­дәрҙә гөбөргәйелдәрҙе тыш­ҡа сығарып алабыҙ. Был юлы ла һай кәритәгә һыу һалып, Дин менән Рияны шунда ебәрҙек. Улар йөҙөп кинәнә, бәләкәй ташҡа менеп, ҡояшта ҡыҙына.
Бәй, бер ҡараһаҡ, гөбөргәйелдәребеҙ юҡ?! Кәритә буш. Өләсәйем һәм һеңлем менән Динды ихатала таптыҡ. Ә Рия күпме эҙләһәк тә, юҡ, әллә ҡайҙа булды ла ҡуйҙы.

Тулыһынса уҡырға “Ҡайҙа булған гөбөргәйелем?” »

Һеңлеләремде ҡараштым

Эх, күңелле шул йәй айҙары! Быйыл эшем үтә ныҡ күп булһа ла, ялым бик матур үтеп бара. Мин бит хәҙер ҙур ҡыҙ – өсөнсө синыфҡа уҡырға барам. Шуға ла әсәйем күп эштәрҙе миңә ышанып тапшыра. Өй йыйыштырам, баҡсаға һыу һибәм, ҡый утайым, көтөү ҡаршылайым. Әйткәнде лә көтмәй, үҙем белеп башҡарам.

Тулыһынса уҡырға “Һеңлеләремде ҡараштым” »

Ишеттегеҙме әле?

Республиканың дәүләт тел­дәрен һәм Башҡортостан халыҡтары телдәрен һаҡлауға һәм үҫтереүгә йүнәлтелгән Башҡортостан башлығы гранттарына дәғүә итеүгә һайлап алыуҙы 185 проект уңышлы үтте. Улар араһында мәҙәниәт, мәғариф, спорт һәм йәштәр сәйәсәте, киң мәғлүмәт сараларына ҡағылышлы, фән өлкәһендәге проекттар бар.

Тулыһынса уҡырға “Ишеттегеҙме әле?” »

Олатайыбыҙ һөйләгәнен тыңлап

Йәй көндәре – велосипедта, машинала, ҡыш саңғыла олатай менән урман-ҡырҙар гиҙергә яратабыҙ. Ул һәр тауҙың, йыл­ғаның, яландың тарихын, атамаһының ҡайҙан килеп сыҡҡанын яҡшы белә. Туҡтап ял иткәндә, яҡшы кәйеф менән өйгә ҡайтҡас та улар тураһында беҙгә һөйләй.
Һүҙҙе атай-олатайҙар төйәге Әхмәт ауылынан башлағыбыҙ килә. Ул Һаҡмар йылғаһы башына яҡын урынлашҡанға күрә, элек Һаҡмарбаш тип аталған. Пугачёв менән Салауат батырыбыҙ яуы ҡыҙған мәлдә бында язалау отрядтары (карателдәр) килеп ба­ҫа. Кешеләрҙең баш бирмәүҙәрен, буйһонмауҙарын күреп, яуыздар ауылды яндырып юҡ итә. Һаҡмарбаш икенсе урынға күсереп тергеҙелә һәм уға нигеҙ һалыусы старшина Әхмәтйән олатай хөрмәтенә Әхмәт исеме бирелә. Ә элекке урыны Иҫке Ыҙ­ма (Иҫке Йорт) тип атала. Иғтибарлап ҡараһаң, унда булып үткән фажиғә эҙҙәре: өй урындарын, көл-күмер, янған һөйәктәрҙе шәйләргә була. Иҫке Ыҙманан алыҫ түгел Зәки Вәлидиҙең ҡы­ҙылдарҙан йәшеренеп, гәзит баҫып ятҡан төйәге бар.

Тулыһынса уҡырға “Олатайыбыҙ һөйләгәнен тыңлап” »

Әлдә һеҙ бар донъяла!

Сәләм,сәләм, малайҙар һәм ҡыҙ­ҙар! Бөтәгеҙҙе лә «Ғаиләм тураһында тау-тау хәбәр» тип аталған фоторепортаж ҡарарға саҡырам. Алып барыу­сыһы – мин, Ләйсән Сибәғәтуллина.
Яңы Бөртөк мәктәбенең V синыфын тамамланым. Бик тә тиктормаҫ, шаян һәм шуҡ ҡыҙыҡаймын. Шуға ла үҙемде шаяртып, «себен сәпсеге» тип йөрөтәләр. Бейергә, йырларға, спорт менән шөғөлләнергә яратам. Мәктәптә, районда һәм республикала уҙғарылған сараларҙа әүҙем ҡатнашам, «дүртле» һәм «бишле» билдәләренә өлгәшәм. Ярай, етте, үҙем тураһында артыҡ күп булып китте.

Тулыһынса уҡырға “Әлдә һеҙ бар донъяла!” »

Берҙәмлектә – беҙҙең көс

Ғаиләбеҙ биш кешенән тора: атайым Фәрхәт, әсәйем Аҡсәскә, Азалиә апайым, Юныс ҡустым һәм мин. Беҙ бик татыу йәшәйбеҙ.Әсәйем менән атайым бөтә балаларында ла яҡшы сифаттар ғына тәрбиәләргә тырыша. Бер-беребеҙгә ярҙам итәбеҙ. Мин атайға мал ҡарашам, утын ташыйым, техника тирәһендә лә булышам. Әсәйемә еңел булһын тип һыуын да индерәм, иҙәнде лә һепереп сығам ҡайһы ваҡытта. Бәләкәй ҡустым Юныс та тик ултырмай. Уға хәрефтәрҙе, һандарҙы өйрәтәм, сөнки тиҙҙән уҡырға бара бит.

Тулыһынса уҡырға “Берҙәмлектә – беҙҙең көс” »

Ихата байрамдары

Балиғ булмағандарҙың хоҡуҡ боҙоуын иҫкәртеү бүлеге инспекторҙары йыш ҡына ихата байрамдары уҙғара. Маҡсаттары – бер тирәлә йәшәгән балаларҙың ваҡыттарын файҙалы итеп үткәреү, атай-әсәйҙәр менән берләштереү.

Тулыһынса уҡырға “Ихата байрамдары” »

Ҡыҙылсанан прививкаң бармы?

Республикаға көтөлмәгән, онотолоп бөткән сир килде: ҡыҙылса. Әле 22 осраҡ теркәлгән, йәғни 13 баланың һәм 9 өлкән кешенең ауырыуы иҫбатланған. Был осраҡтар Өфө ҡалаһы һәм районында, Иглин, Шишмә, Ҡырмыҫҡалыла теркәлгән.

Тулыһынса уҡырға “Ҡыҙылсанан прививкаң бармы?” »