Алға, тик алға ғына!

Фән донъяһында тәүге ышаныслы аҙымдарын яһарға өлгөргән Катя Козлова.

8-се мәктәптең XI синыф уҡыусыһы Катя Козлованың уңыштары хаҡында мин электән дә белә инем. Ә быйылғы уҡыу йылында республика Башлығы стипендиаттары сафына баҫты.
Ҡыҙҙың әйтеүенсә, уға тарих, урыҫ теле һәм әҙәбиәте яҡыныраҡ икән. Тап ошо гуманитар фәндәр менән ул ныҡлап ҡыҙыҡһына, олимпиадаларҙағы уңыштары ла нәҡ шул өлкә менән бәйле.

Тулыһынса уҡырға “Алға, тик алға ғына!” »

Татыу бер ғаилә кеүекбеҙ

Мәктәп – ул шатлыҡ, хис-тойғолар менән тулған ҙур бер донъя. Үҙебеҙҙең бала саҡ һәм үҫмер йылдарыбыҙҙың күп өлөшөн ошонда синыфташтарыбыҙ менән үткәрәбеҙ. Үҙемде бик бәхетле тип һанайым, сөнки мин иң татыу IX «Г» синыфында белем алам. Бергә уҡыған ҡыҙҙар, егеттәр үҙ-ара бик дуҫ, ауыр саҡта һәр беребеҙ үҙ ярҙамын күрһәтергә әҙер. Шуға беҙҙә насар билдәләргә өлгәшкәндәр ҙә юҡ. Тәнәфес ваҡытында ла гел бергәбеҙ: яңылыҡтар менән бүлешәбеҙ, төрлө-төрлө уйындар уйнайбыҙ. Дәрестән һуң буш ваҡытта күмәкләп йә паркка, йә киноға барабыҙ.

Тулыһынса уҡырға “Татыу бер ғаилә кеүекбеҙ” »

Мәктәптәрҙә – ғаиләне өйрәнеү фәне

Рәсәй Президентының Бала хоҡуҡтары буйынса вә­кил ҡарама­ғындағы йәмәғәт советы рәйесе Андрей Коченов Баш­ҡортостанды мәктәп программаһына ғаиләне өйрәнеү фәнен индереү буйынса пилотлы төбәк итеү тәҡдимен индерҙе. Был һис тә осраҡлы түгел. Рәсәй Федерацияһы Президенты ҡарамағындағы Бала хоҡуҡтары буйынса вәкил Анна Кузнецова баш ҡалабыҙҙа беренсе республика ата-әсәләр форумында уҡ ғаиләне күҙәткән ошондай ведомство булдырырға тәҡдим яһағайны. Республиканың Ғаилә, хеҙмәт һәм халыҡты социаль яҡлау министры Ленара Иванова һәм Социаль етемлекте иҫкәртеү хәйриә фонды директоры Александра Марова менән осрашыуҙа Андрей Коченов шул хаҡта белдерҙе.

Тулыһынса уҡырға “Мәктәптәрҙә – ғаиләне өйрәнеү фәне” »

«Нардуғанға кил, туған!»

Ауылыбыҙҙың «Шатлыҡ» балалар баҡсаһы (мөдире – Айгөл Ишкилдина) үҙҙәренең тәрбиәүи эшендә электән милли уйындарға, йолаларға ҙур иғтибар бүлә. Етәкселектең, тәрбиәселәрҙең балаларҙы милли ерлектән айырмай, уларҙы тағы ла ҡыҙыҡһындырып, шул серле донъяға йәлеп итеүе маҡтауға лайыҡ. Күптән түгел ағинәйҙәр ҡоро (етәксеһе – Рәйлә Рәхмәтуллина), «Гөлнәзирә» халыҡ фольклор ансамбле (Рәйлә Ирназарова), «Хазина» ҡумыҙсылар ансамбле (Хафиза Баязитова) менән берлектә байтаҡ ваҡыт беҙҙең тирәлә инде онотолған, хәҙер ҡайтанан тергеҙеү, кескәйҙәрҙе йолаларыбыҙ менән таныштырыу ниәте менән «Нардуған» байрамын үткәрҙе. Ул – башҡорттар­ҙың ҡояшҡа арналған, йылына ике тапҡыр: ҡышҡы һәм йәйге селләлә уҙа торған байрамы.

Тулыһынса уҡырға “«Нардуғанға кил, туған!»” »

Сәнғәт иленә сәйәхәт

Театр артистары менән.

Тыуған ҡалабыҙ Стәрлетамаҡтағы башҡорт драма театры үҙенең спектаклдәре менән тамашасыларҙы йыш ҡыуандыра. Тик быға тиклем тамашалар күберәк өлкәндәр өсөн ине. Ә бына яратҡан яҙыусыбыҙ Мостай Кәримдең «Өс таған» повесы буйынса спектакль ҡуйылыу беҙҙең өсөн дә шатлыҡ булды. Әҫәр­ҙәге малайҙарҙың балыҡ тотоп, бейек тау башындағы күлгә ебәрергә тырышыуҙары, шул арҡала төрлө мажараларға тарыуҙары тураһында беҙ V синыфта уҡығайныҡ.

Тулыһынса уҡырға “Сәнғәт иленә сәйәхәт” »

Сығыштар алҡыштарға күмелде

Гөлдәриә яһаған причёска.

Мәктәбебеҙҙә һәр көнөбөҙ ҡыҙыҡлы үтә. Күптән түгел генә «Мин – һәләтле!» тигән конкурс булды. Бында һәр кем үҙенең оҫталығын күрһәтергә тейеш ине. Бәйгеселәр моңло итеп йырланы, дәртләнеп бейене, тасуири итеп шиғыр ятланы, төрлө причёскалар эшләп күрһәтте. Мәҫәлән, Нурбулат Вәлиевтең моңло йыр­ҙары, Гөлмирә Вәлиеваның һәм Илһөйәр Ишбулатованың дәртле бейеүҙәре берәүҙе лә битараф ҡалдырманы. Гөлдәриә Ғәйетбаеваның яһаған причёскалары бөтәһенең дә күңеленә хуш килде.

Тулыһынса уҡырға “Сығыштар алҡыштарға күмелде” »

Беҙҙә ҡоштар асыҡмай

Исмаил мәктәбенең башланғыс синыф уҡыусылары «Ҡышҡыһын ҡоштарҙы ашатығыҙ!» тигән акцияла әүҙем ҡатнашты. Улар ҡанатлы дуҫтарыбыҙға тағараҡтар яһаны. Мәктәпкә төрлө материалдарҙан эшләнгән ниндәй генәләрен килтермәнеләр! Юҡҡа ғына, камиллыҡтың юҡтыр сиктәре, тимәйҙәр бит.

Тулыһынса уҡырға “Беҙҙә ҡоштар асыҡмай” »

Көслө хистәр уята

Башҡорт теле һәм әҙәбиәте уҡытыусыһы Хәбирә Вәлиуллинаға.

Туған телде яратыуҙан
Башлана һөйөү илгә.
Телен белгән, илен һөйгән
Шәхестәр кәрәк беҙгә.

Шулай тиеп уҡытыусым,
Беҙҙе бер аҙ уйлата.
Телгә ҡарата шулай ул
Көслө хистәр уята.

Искәндәр ҒӘБИТОВ, VI синыф уҡыусыһы.
Бөрйән районы, Иҫке Собханғол ауылы.