Йәштәр ситкә китмәһен!

29 ғинуарҙа республика етәксеһе Радий Хәбиров эш сәфәре менән тағы Сибайҙа булды. Ул илебеҙҙең киләсәге – балалар менән йыш осраша. Был юлы ла бер нисә балалар учреждениеһына барҙы. 2015 йылда асылған сәнғәт мәктәбендә, мәҫәлән, һынлы сәнғәт, дизайн, туҡыу, компьютер графикаһы, ағасты семәрләү, керамика, рәсем йүнәлештәре буйынса эш алып барыла. Бөтәһе 700-гә яҡын бала шөғөлләнә. Сәнғәт …

Continue reading ‘Йәштәр ситкә китмәһен!’ »

Өфөгә CIOFF президенты Филипп Боссан килде

2020 йылда Башҡортостанда Бөтә донъя фольклориадаһы үтәсәк. Унда бөгөнгә 70-тән ашыу ил вәкилдәре ҡатнашырға теләк белдергән дә инде. – Халыҡ-ара фольклор фестивалдәре һәм традицион сәнғәт ойошмалары советының киләһе фольклориаданы Өфөлә уҙғарырға хәл итеүе — республикабыҙға ҙур хөрмәт. Башҡортостандың ҙур, етди халыҡ-ара саралар ойоштороу тәжрибәһе бар. Был йәһәттән бөтәһе лә килеп сығырға тейеш.

«Ярҙам итер өсөн тыуғандар» отряды

Туймазы районында  тәүге үҫмер ирекмәндәр отряды барлыҡҡа килде.  «Ярҙам итер өсөн тыуғандар» тигән төркөм 10 — 14 йәшлек ҡыҙ-егеттәрҙе берләштерә. Отряд һаулығы буйынса мөмкинлеге сикләнгәндәргә булышлыҡ итеү, балаларҙың буш ваҡытын файҙалы уҙғарыу маҡсатында булдырылған.  Илһөйәрлек, сәләмәт йәшәү рәүеше тәрбиәләүгә йүнәлтелгән саралар үткәреү, ойоштороу ҙа планлаштырыла.

Урамдар яҡтырыр, әммә…

2019 йылда Башҡортостанда урамдарҙы яҡтыртыу өсөн 583,7 миллион һум аҡса бүленәсәк икән. 2024 йылға тиклем 140 мең яҡтыртҡыс ҡуйыу планлаштырыла. Вәт, донъялар балҡып китер инде, Алла бирһә. Юғиһә, әле бит ҡайһы бер ауылдарҙа бер-ике бағанала ғына ут яна. Бөтә ҡара эштәр ҡараңғы ваҡытта башҡарыла, тиҙәр бит. Төндә урамда йөрөүе лә ҡурҡыныс.

Тәүге тапҡыр «Аҡыллы йорт» темаһына хакатон

Ооо! «Аҡыллы йорт»! Етмәһә һаулыҡтары буйынса мөмкинлеге сикләнгәндәр өсөн. Яңы проект бик ҡыҙыҡлы күренә түгелме? Бергәләп команда менән эшләү ҙә мауыҡтырғыс булыр һымаҡ.

Филармонияла — Ҡадировтың мотоциклы

Тиҙҙән Өфөлә легендар мотоуҙышсы Ғабдрахман Ҡадиров тураһында фильм күрһәтеләсәк. Уның режиссеры – Радик Килмәмәтов. Презентация 29 ғинуарҙа Башҡорт дәүләт филармонияһында була. Сарала спортсының хәләл ефете Нәзифә Ҡадирова, дуҫтары, хеҙмәттәштәре иҫтәлектәре менән уртаҡлашасаҡ. Ғабдраман Ҡадиров исемендәге клуб ағзалары һәм тәрбиәләнеүселәре лә ҡатнашасаҡ, махсус ҡунаҡ – мотоуҙышсы Николай Красниковтың килеүе көтөлә.

«Зәрҡүм» уйыны эпос-легендаларға нигеҙләнгән

«Зәрҡүм» уйыны Minecraft уйынына оҡшаш булмаҡсы. Уның сюжеты «Урал батыр», «Аҡбуҙат», «Иҙеүкәй менән Мораҙым» башҡорт эпостары, шулай уҡ беҙҙең халыҡтың легендалары һәм риүәйәттәренә нигеҙләнгән. Мажаралы әкиәт уйынсыһы – йәш батыр Башҡортостанға тыныслыҡ алып килер өсөн яуызлыҡ менән көрәшергә уйлап сығарылған урта быуатҡа сәйәхәткә сыға.

Ҡабан йылында тыуған улар

Айһылыу Мөхәмәтшина, Илнар Сәхибгәрәев, Рената Гәрәева, Розалина Хөснөтдинова, Лилиә Шагаева, Алина Ғиззәтуллина – был балалар барыһы ла – «ҡабандар», йәғни Ҡабан йылында тыуғандар. Улар Дәүләкән районының Ҡыҙрас мәктәбендә V синыфта белем ала. Айһылыу менән Илнар «бишле»ләргә генә өлгәшһә, Лилиә менән Рената – «дүртле» һәм «бишле»ләргә. Алинаның бер генә «өслөһө» сыҡҡан. Розалина ла уларҙан ҡалышмаҫҡа тырыша. …

Continue reading ‘Ҡабан йылында тыуған улар’ »