«Ағиҙел» – чемпион!

Ура, шатлан, ғорурлан, Башҡортостан! Өфөнөң «Ағиҙел» хоккейсылары Ҡатын-ҡыҙҙар хоккей лигаһында иң-иңе хәҙер. Финалда «Торнадо» клубын 3:0 иҫәбенә ҡыйратып, тәүге тапҡыр Кубок яуланылар! Байрамға шәп бүләк инде. Хоккейсыларыбыҙҙы еңеүҙәре менән республика Башлығы Рөстәм Хәмитов та ҡотланы.

Абҙанда шахмат яраталар

Былтырғы уҡыу йылында Иҫәнғолдан, Таҙлар ауылынан «Серле шаҡмаҡтар» конкурсында әүҙем ҡатнашҡайнылар. Еңеүселәр бүләктәребеҙҙе алып ҡыуанғайны. Ә быйыл Абҙан мәктәбе бәйгегә ихлас ҡушылды.

Йәш шахматсылар һынатманы

Башҡортостандың йәш шахматсылары Рәсәй уҡыусыларының VIII йәйге спартакиадаһында ҡатнашты. Иң яҡшы йәштәр командалары араһында беҙҙекеләр V урын яуланы. Йыйылма команда составына кемдәр ингәйне, тиһегеҙме? Баш ҡаланан Динар Әбел­ғужин, Юлиә Григорьева, Шиш­мәнән Камилла Байбурина, Октябрьскийҙан Артур Ғәйфуллиндар. Уларҙың уйнауын Рәсәй белгестәре юғары баһаланы.

Ветеран иҫтәлегенә

Бөйөк Ватан һуғышы ветераны, ауылыбыҙҙың хөрмәтле кешеһе Фәрхиямал Шәрәфетдин ҡыҙы Шәрәфетдинованың яҡты иҫтәлегенә бағышлап өҫтәл теннисы турниры уҙғарҙыҡ. Был төр ярыш тәүге тапҡыр үткәрелеүгә ҡарамаҫтан, уҡыусылар әүҙем ҡатнашты. V – VII синыфтар араһында Рифат Сиражев – I, Ранит Шөғәйепов – II, Ильяс Маликов III урындар яуланы. VIII – XI синыфтар араһында I урын – Раушан …

Continue reading ‘Ветеран иҫтәлегенә’ »

Мөмкинлектәре сикләнгән, тимәгеҙ…

БЕҘҘЕҢ 30-сы коррекцион ин­тернат-мәктәптә насар ишет­кән балалар уҡый. Улар­ға белем алыу, һәләттәрен үҫтереү өсөн бөтә уңай­лыҡтар булдырылған: ҙур спорт за­лы, ашхана, технология дәрестәре өсөн айырым бина. Уҡыу­сылар тырышып уҡый, төрлө түңәрәктәрҙә шөғөл­ләнә.

Оятҡа ҡалдыҡ түгелме?

Рәсәй футболсылары Уэльсҡа 0:3 иҫәбенә отолоп, үҙ төркөмөндә иң аҙаҡҡы урынды алды. Командабыҙ оят­ҡа ҡалды инде. Бер матур уйын күр­һәтмәнеләр. Уның ҡарауы, Европа беренселегендә төрлө йылдарҙа ҡатнашып, 14 мәртәбә еңелеп, Дания футболсыларын ҡыуып еттеләр, уларҙың «рекорд»ын ҡабатланылар…

Бындай футбол кемгә кәрәк?

Францияла барған Европа беренселеге футбол фанаттарының тәртипһеҙлеге менән башланды. Нимә эш­ләгәнен белмәйҙәр. Айырыуса Англия көйәрмәндәре ҡоторона: ваталар, емерәләр, һуғышалар. Үкенескә ҡар­шы, уларҙан беҙҙекеләр ҙә ҡалышмай. Марселдә Англия – Рәсәй уйынынан һуң (иҫәп – 1:1) ике яҡтың фанаттары бер-береһенә ташланды. Шул арҡала күптәре йәрәхәт алды, ауыр хәлдә дауаханаға эләккәндәр ҙә бар. Бер нисә хулиган ҡулға алынды. …

Continue reading ‘Бындай футбол кемгә кәрәк?’ »

Богдан яулай дан

Һөйөнөслө хәбәр: Шотландияның Глазго ҡалаһында инвалидтарҙың донъя беренселеген­дә Рәсәй йыйылма командаһы алтын миҙал яуланы. Баш ҡаланың 18-се мәктәбендә IX синыфта уҡып йөрөүсе Богдан Мозговойҙың шул еңеүселәр рәтендә булыуы уның ғаиләһенә лә, мәктәпкә лә, синыфташтарына ла ҙур ҡыуаныс, ғорурлыҡ килтерҙе. 14 кенә йәштән донъя чемпионы исемен яулаған йәш спортсыға беҙ ҙә бер нисә һорау бир­ҙек.

Алтын миҙалы — музейҙа

Башҡортостан Республикаһының Милли музейында хәҙер бик үҙенсәлекле экспонаттар бар. Ундағы «Бөгөнгө Башҡортостан» залына Сочиҙа уҙған Ҡышҡы олимпия уйындарында шорт-трек буйынса чемпион булған яҡташыбыҙ Руслан Захаров шәхси әйберҙәрен бүләк итте. Барып күрегеҙ: музейҙа спортсының алтын миҙалы, шорт-трек кейеме, тимераяҡтары һәм шлемы урын алды.

«Мең велосипедсы көнө»

Беҙҙә велоспортҡа иғтибар арта. Шулай булмай ни, республика Башлығы Рөстәм Хәмитов та был спорт төрөн ярата бит. Ана, Өфөлә үткән «Мең велосипедсы көнө»ндә лә «тимер ат»та ун саҡрым юл үтте ул. – Ниңә кәрәк машина, велосипед яҡшыраҡ, – тине Рөстәм Хәмитов. – Бөгөнгө спорт байрамы өсөн Велосипедсылар союзына рәхмәтемде белдерәм. Күпме кешене ҡыуандыр­ҙылар. Әйткәндәй, былтырғы …

Continue reading ‘«Мең велосипедсы көнө»’ »