Мәғариф яңылыҡтары

Интеллектуаль марафон Башҡортостанда уҡыусыларҙың Бөтә Рәсәй олимпиадалары – интеллектуаль марафондың яңы миҙгеле асылды. Ул 24 фән буйынса 4 этапта үтә. Тәүгеһе – мәктәп, икенсеһе – район, өсөнсөһө – төбәк, дүртенсеһе, йом­ғаҡлау этабы, Бөтә Рәсәй кимәлендә ойошторола. Һуңғыһында илдең төрлө төбәктәренән көслөләрҙән-көслө 200-гә яҡын уҡыу­сы көсөн һынай. Финалда еңеүселәргә юғары уҡыу йортона ингәндә өҫтөнлөк бирелә.

Юғары уҡыу йорттары Ҡытай менән бәйләнештә

Республиканың юғары уҡыу йорттары Ҡытай Халыҡ Республикаһы менән әүҙем эшмәкәрлек алып бара. Башҡорт дәүләт университетында Рәсәй-Ҡытай бизнес-инкубаторы булдырылған. Ун­да студенттар бизнес төҙөү буйынса Ҡытай алымдарын өйрәнә, Ҡытай Халыҡ Республикаһында стажировкалар ҙа ҡаралған. Башҡорт дәүләт медицина университеты Ҡытайҙың медицина ғилми даирәләре менән тығыҙ бәйләнештә йәшәй.

Махсус комиссиялар әҙерлекте тикшерә

Баш ҡалабыҙ мәктәптәрендә яңы уҡыу йылына әҙерлек эштәре ҡыҙыу алып барыла. Һәр бер районда махсус комиссиялар ҙа төҙөлгән. Быйыл ҡала ҡаҙнаһы иҫәбенә 38 белем биреү учреждениеһында ремонт үткәрелә. Уларҙа ҡыйыҡ, электр, һыу менән тәьмин итеү, бысраҡ һыуҙарҙы ағыҙыу өсөн ер аҫтынан үткәрелгән торбалар системаларын йүнәтеү, бинаның тышҡы яғын йылытыу, тәҙрә блоктарын алмаштырыу кеүек эштәр башҡарыла. …

Continue reading ‘Махсус комиссиялар әҙерлекте тикшерә’ »

Спортҡа иғтибар арта

Республикабыҙҙа спорт үҫешенә 87 миллион һум аҡса бүленә. Ошо турала Йәштәр сәйәсәте һәм спорт министрлығынан хәбәр итәләр. Өҫтәмә финанслау физкультура менән шөғөлләнеүселәр һанын арттырырға, ярыштарҙа һөҙөмтәләрҙе яҡшыртырға булышлыҡ итәсәк. Бөгөнгә республикала 84 федерация үҙ ҡарамағындағы спорт төр­ҙәрен үҫтереү буйынса программа әҙерләгән. Министрлыҡ 42 документты хуплаған да инде. Киләсәктә лә төп спорт төрҙәрен үҫтереүгә ҡаҙнанан аҡса …

Continue reading ‘Спортҡа иғтибар арта’ »

Төҙөлөштө онлайн режимда күҙәтеп була

Ҡырмыҫҡалы районы Прибельский ҡасабаһында 340 урынлыҡ яңы мәктәп төҙөлә. Бөтә материалдар ҙа һатып алынып, майҙансыҡта эш башланған да инде. Өс ҡатлы бинаның дөйөм майҙаны 5 мең 156, 5 квадрат метр тәш­кил итәсәк. Дәүләт килешеүе буйынса, видеокүҙәтеү ҙә ҡуйылған. Шуныһы һәйбәт: төҙөлөш барышын онлайн режимда ғына күҙәтергә мөмкин. Белем усағын күтәреү «Башҡортостандың 100 йыллығына – өр-яңы …

Continue reading ‘Төҙөлөштө онлайн режимда күҙәтеп була’ »

Мәғариф министрына һорауың булһа…

29 августа Мәскәү мәк­тәптәренең береһендә Рәсәй Федерацияһының мәғариф министры Ольга Васильева уҡыусыларҙың ата-әсәләре менән осрашыу уҙғара. Аралашыу йәнле диалог рәүешендә барасаҡ. Уның барышында илдең төрлө төбәгенән тура бәйләнеш – видеоконференциялар ҙа ҡаралған. Ата-әсәләр йыйылышын онлайн күҙәтеп тә буласаҡ.

Йәш уҡытыусыларға – 200 мең һум

Йәш уҡытыусылар өсөн дә ҡыуаныслы хәбәрҙәр бар. Яңы уҡыу йылынан ауыл мәктәптәренә уҡытырға килгән 30 уҡытыусы 200 мең һум күләмендә аҡса аласаҡ. Унан тыш, улар өсөн өҫтәмә түләүҙәр ҙә ҡаралған. Ә уҡыусылары БДИ-ла 100 балл йыйған педагогтар дәүләт наградаларына тәҡдим ителәсәк. Алдағы йылдан дәүләт йомғаҡлау аттестацияһында ҡатнашҡан бөтә уҡытыусылар ҙа компенсация аласаҡ.

Белдекле абитуриенттар әҙерләнәсәк

Яңы уҡыу йылынан республика инженер интернат-лицейында Өфө дәүләт нефть техник һәм Башҡорт дәүләт университеттарының йүнәлешле синыфтары асыла. Тәүгеһе – физика-математика һәм физика-химия, икенсеһе социаль-гуманитар фәндәр буйынса буласаҡ. Был универсарий алды проектында ҡатнашыусы X – XI синыфтар, ғә­ҙәти уҡыу программаһынан тыш, синыфтан тыш сәғәттәр­ҙә университет уҡытыусыларының лекцияларын тыңлаясаҡ, алған белемен күсмә семинарҙарҙа нығытасаҡ, төрлө кимәлдәге олимпиада-конкурс­тарға …

Continue reading ‘Белдекле абитуриенттар әҙерләнәсәк’ »

Прививка талап итәләр

Прививкаһы булмаған балаларҙы мәктәпкә индермәйҙәр. Йоғошло сирҙәрҙе профилактикалау тураһындағы федераль ҡанунда мәғариф учреждениеларына ошондай хоҡуҡ бирелгән. Йәйгеһен лагерҙарға барыу өсөн дә прививка булыу мотлаҡ һанала.

Урын етмәгәндәргә – пособие

Рәсәйҙә балалар баҡсаларында урын табылмағандарға пособие түләнә. Дәүләт Думаһында ошоға бәйле закон проекты ҡаралды. Уға ярашлы, балалар баҡсаһына сиратта тороусыларға 3 мең һум биреләсәк. Аҡсаны балаға ете йәш тулғансы түләргә тәҡдим ителә. Илдә һуңғы ваҡытта балалар баҡсаһына сират мәсьә­ләһе эҙмә-эҙлекле хәл ителә башланы. Әммә ҡайһы бер төбәктәрҙә һаман да урындар етмәй. Бала ҡарау өсөн түләү …

Continue reading ‘Урын етмәгәндәргә – пособие’ »