Яңы проект булдырыла

Рәсәйҙә «Мәктәп хәүефһеҙлеге» тигән проект булдырыла. Дума депутаттары ошондай мәғлүмәт-белем биреү порталы ойошторорға тәҡдим итә. Унда балалар һәм ата-әсәләр өсөн именлек һәм хәүефһеҙлек дәрестәре бирелә. Һәр төбәк өсөн климат, инфраструктура һәм башҡа үҙенсәлектәрҙе иҫәпкә алып, тирә-яҡ һәм тормош хәүефһеҙлеге буйынса айырым программа булдырыу ҡарала. Балаларҙы проектҡа нығыраҡ йәлеп итеү өсөн мобиль ҡушымта уйлап сығарырға тәҡдим …

Continue reading ‘Яңы проект булдырыла’ »

2 миллион һум грант алған

Рәсәй Федерацияһының Мәғариф һәм фән министрлығы үткәргән конкурста барлығы 89 белем биреү учреждениеһы ҡатнашҡан. Унда еңеп, 2 миллион һум грантҡа лайыҡ булыусылар араһында баш ҡаланың 212-се балалар баҡсаһы ла бар. Әйткәндәй, уның нигеҙендә мәктәпкәсә йәштәге белем биреү учреждениеһына йөрөй алмаған балаларҙың атай-әсәйҙәре өсөн консультация-диагностика үҙәге асыл­ған. Бында бушлай консультация һәм психологик ярҙам да алыр­ға мөмкин. …

Continue reading ‘2 миллион һум грант алған’ »

Башҡорт теленән региональ диктант — 2018

Башҡорт дәүләт университеты тарафынан быйыл инде дүртенсе тапҡыр башҡорт теленән региональ диктант ойошторола. Башҡортостан Республикаһының дәүләт телдәренең береһе булған башҡорт теленән региональ диктант яҙыу – түләүһеҙ үткәрелә торған акция, был акцияла теләгән һәр кеше ҡатнаша ала. Был сараны үткәреү принциптары урыҫ теленән тоталь диктант яҙҙырыу тәртибе менән тап килә. Ойоштороу комитетының һәм Баһалама комиссияһының ағзалары …

Continue reading ‘Башҡорт теленән региональ диктант — 2018’ »

БДИ ла иҫәпкә алынасаҡ

Рәсәй мәктәптәрендә алтын миҙал алыу өсөн бөтә фәндәрҙән дә «бишле» алыу ғына етмәй, Берҙәм дәүләт имтиханын да юғары балдарға биреү талап ителәсәк. Мәғариф һәм фән министрлығы ошондай проект әҙерләй. Яңы үҙгәрештәр киләһе йылдан көсөнә инеүе ихтимал. Ведомство етәксеһе Ольга Васильева билдәләүенсә, ошондай шарттарҙа миҙалдың абруйы ла арта, уҡыусылар ҙа яҡшыраҡ уҡырға тырышасаҡ.

Инвалидтарға уңайлыҡтар булдырыла

Рәсәй мәктәптәренең һәр бишенсеһендә инвалид балаларҙы уҡы­тыр өсөн уңайлы шарттар булдырыл­ған, тип белдерҙе үҙҙәренең киңәйтелгән ултырышында мәғариф һәм фән министры Ольга Васильева. Үткән йылда Рәсәй Федерацияһы­ның 81 төбәгендә 973 белем биреү учреждениеһы инклюзив белем би­реү өсөн уңайлыҡтар тыуҙырған.

Мәктәпкә йөрөмәгәндәр күп

ЮНЕСКО-ның Статистик институты мәғлүмәттәренә ҡарағанда, донъяла уҡыусы йәшендәге 263 миллионға яҡын бала мәктәпкә йөрөмәй. Башланғыс синыфтарҙа 63 миллион бала булһа, урта синыфтар­ҙа – 61, өлкән синыфтарҙа – 139 миллион.

Студенттар ҙа йәлеп ителә

Быйыл БДИ барышын күҙәтеү маҡсатында йәмәғәт контроле сифатында 7 меңгә яҡын студент йәлеп ителәсәк. Улар Рәсәйҙең 282 уҡыу йортонан һайлап алынған. Күҙәтеүселәрҙең кәрәкле һанын тәьмин итеү өсөн был студенттарға сессияны алдан биреү ойошторола. Рәсәй Йәштәр берлеге мәғлүмәттәре бу­йынса, ҡайһы бер төбәктәрҙә уҡыу семинар­ҙары үткәрелгән дә инде, ә дөйөм алғанда, улар­ҙы уҡытыу 15 апрелгә тамамланырға тейеш.

Китап йыйыу бара

Өфөлә башҡорт китаптарын йыйыу буйынса акция иғлан ителде. Тупланған әҙәбиәт күрше Силәбе өлкәһендә милләттәштәребеҙ күпләп йәшәгән урындарға оҙатыласаҡ. Ҡоншаҡ һәм Арғаяш халҡы тәү сиратта уҡыу әсбаптарына ҡытлыҡ кисерә. Шулай уҡ башҡорт авторҙарының баҫмалары ла ҡабул ителә. Китаптарҙы Халыҡтар дуҫлығы йортона килтерергә мөмкин. Адресы: Өфө ҡалаһы, Ленин урамы, 56.