Тамъяным барыбер матурыраҡ

Каникулды мин дә көтөп алдым. Сөнки сәйәхәттәр, мажаралар менән үтә ул. Хыялдар тормошҡа аша. Яңы уй-пландар барлыҡҡа килә. Етмәй ҙә ҡала каникул көндәре. Быйылғы өс айым да һиҙелмәйенсә үтеп китте. Мәктәптә ойошторолған «Йәйләү» лагерында башланды ялым. Тамъян ырыуы баш­ҡорттары бит беҙ! Тарихты өйрәндек, йыр-бейеү буйынса ярышып, еңеү­ҙәр яуланыҡ, спортта ла алдынғылыҡты бирмәнек. Районыбыҙҙың иҫтәлекле урындарына …

Continue reading ‘Тамъяным барыбер матурыраҡ’ »

Һаҡмар буйлап сәйәхәт

Беләһегеҙме, быйыл мин Һаҡмар йыл­ғаһының урғылып сыҡҡан еренән алып ҡойған урынына тиклем сәйәхәт ҡылдым. Ул Өмөтбай ауылы тирәһендәрәк бәләкәй генә шишмә булып башлана икән. Синыфыбыҙ менән Шүлгәнташ мәмерйәһенә экскусияға барғанда шунда туҡталып киттек. Беҙҙең ауылыбыҙ ҙа Һаҡмар буйында урынлашҡан. Экскурсиянан ҡайтҡас, бер нисә көндән ағайым беҙҙе Ырымбур ҡалаһына алып барҙы. Шулай итеп, Бөрйән, Баймаҡ, Йылайыр, …

Continue reading ‘Һаҡмар буйлап сәйәхәт’ »

Тыуған көн бүләге

Бик ҡыҙыҡлы, күңелле булды быйылғы йәйге ялым. Башта көндәр һалҡыныраҡ тор­ғас, эс бошҡайны, аҙаҡ йылытып ебәргәс, Илнара туғаным менән Инйәр йылғаһында һыу индек, ҡыҙындыҡ. Әсәйемә өй эштәрендә лә булыштыҡ, өләсәйҙәрҙе лә ярҙам­һыҙ ҡалдырманыҡ. Фәниә өләсәйемдең ҡулы йәрәхәтләнгәс, уға ҙур терәк булырға тырыштым. Ситәнен буяным, кер йыуҙым, еләк йыйҙым. Ныҡ ҡыуанды инде өләсәйем.

Кишер тигәнем… укроп булған

Йәйҙе нисек яратмайһың инде? Зәңгәр күк йөҙө, йәшел үлән, сәскәле болон, шаян күбәләктәр, сағыу ҡояшҡай тышҡа саҡырып ҡына тора. Каникулға сығыу менән: «Алда өс айлыҡ ялым, бигерәк оҙаҡ, мәктәп, иптәштәрем һағынды­рыр инде», – тип уйлағайным. Ә өс ай ваҡыттың нисек үткәнен һиҙмәй ҙә ҡалдым. Каникулым бик матур уҙҙы.

Донъя гиҙеп, үҙебеҙҙе күрһәтеп ҡайттыҡ

Быйылғы йәй минең өсөн бик иҫтәлекле ваҡиға менән башланды. Беҙҙең «Урал ҡыҙы» бейеү ансамбле Сочи ҡалаһында үткән балалар ижади фестивалендә ҡатнашыу бәхетенә иреште бит. Әлбиттә, унда барыу­ҙы түҙемһеҙләнеп көттөк. Былтыр октябрь айында Түбәнге Новгород ҡалаһында уҙған фестивалдә сы­ғыш яһап, Сочиҙа үтәсәк ҙур сараға йүнәлтмә алғайныҡ. Артабан алты ай буйына халыҡ-ара конкурста ҡатнашыу өсөн яңы бейеүҙәр …

Continue reading ‘Донъя гиҙеп, үҙебеҙҙе күрһәтеп ҡайттыҡ’ »

Ишектән түгел, тәҙрәнән сыҡтыҡ

Мин ялымды йыл да Әлшәй районының Себенле ауылында йәшәүсе өләсәйемдә үткәрәм. Өфөнән ике туған ҡустым Айҙар ҙа унда ҡайт­ҡас, бигерәк тә күңелле була. Бында рәхәт тә шул: йоҡо туя, өләсәйебеҙ тороуыбыҙға тәмле итеп ҡоймаҡ ҡоя, Дим буйында ял итәбеҙ, дуҫтарыбыҙ ҙа күп. Ҡайһы саҡ үҙебеҙ мәҙәк хәлдәргә лә тарып ҡуябыҙ. Бер көн өләсәйебеҙ иртән мине …

Continue reading ‘Ишектән түгел, тәҙрәнән сыҡтыҡ’ »

Тәбиғәт ҡосағында мунса индем

Һәр ваҡыттағыса, йәйге каникулым быйыл да иҫтәлектәргә бай булды. Атайым менән әсәйемә рәхмәт инде, улар ялды матур итеп ойоштора белә шул. Телевизор, компьютер алдында ултырманым, ә илебеҙҙең иҫ китмәле урындарына сәйәхәт иттек. Каникулымдың күңелле көндәре Төркиәлә башланды. Мармарис ҡалаһында, Эгей диңгеҙе буйында ял иттек. Һыуы таҙа, матур урын. Элек диңгеҙ буйында ял итеү минең өсөн …

Continue reading ‘Тәбиғәт ҡосағында мунса индем’ »

Дағстанды күрҙек, Чечняла ла булдыҡ

Әле яңы ғына: «Алда – өс ай каникул!» – тип ялға таралышҡайныҡ. Оҙаҡ һымаҡ күренгәйне, ә ул һиҙҙермәй генә үтте лә китте. Быйылғы ялым баш­ҡа йылдарға ҡарағанда күңелле ваҡиғаларға бай булды.

Туйҙа йөрөү күңелле!

Йәйҙең иң матур хәтирәһе булып өлкән апайым Регинаның туйы иҫтә ҡалды. Ул Миәкә районы Шатмантамаҡ ауылына килен булып төштө. Беҙ бик күңелле итеп туйҙа ла йөрөп ҡайттыҡ. Регина апайым менән Марсель еҙнәйгә тигеҙ ғаилә тормошо, бәхет теләйем.