«Йәншишмә»гә – синыф менән!»

«Йәншишмә» – уҡыусыларымдың илһам шишмәһе! Республикабыҙҙа балалар өсөн сыҡҡан гәзитебеҙ булыуына шатланып бөтә алмайым. Уҡыусылар уны уҡып телдәрен байыта, илһам ала, күп нәмәләр хаҡында белә.

Гәзит менән күңеллерәк!

Баймаҡ районы Кәрешкә мәктәбенең V һәм VII синыф уҡыусылары «Йәншиш­мә»гә – синыф менән!» акцияһына дәррәү ҡушылды. Бөтәһе – 22 уҡыусы. Татлыбай, Әбдрәхмән ауылдарынан йөрөп уҡыу­сылар бар. Беҙҙең балалар һәр эштә бер-береһенә ярҙамсылдар, бер ғаилә кеүек татыуҙар. Уҡыуҙа ла, олимпиадаларҙа һәм төрлө конкурстарҙа ла уҡыусыларым бер ҙә һынатмай. Йыр, бейеүгә лә бик әүәҫтәр. Яңы йылды яратҡан …

Continue reading ‘Гәзит менән күңеллерәк!’ »

Күмәкләгән – яу ҡайтарған!

Киләһе йылдан баш ҡалалағы был белем усағынан 70 кеше «Йәншишмә» гәзитен алдырып уҡыясаҡ. Кемдәр, тиһегеҙме? Әлбиттә, Фатима Мостафина исемендәге 20-се башҡорт гимназияһы уҡыусылары һәм уҡытыусылары. Унда кемдәрҙер 3 – 5-әр данаға яҙылһа, ә I «Б» һәм III «А» – синыфтары менән!

Атай-әсәйҙәргә рәхмәт!

Атай-әсәйҙәргә рәхмәт инде. Синыфыбыҙ менән «Йәншишмә»гә яҙылдыҡ. Ә уларҙың ярҙамынан башҡа был эште атҡарып сыға алыр инекме ни? Уҡыуҙа ла, ялда ла, байрамдарҙа ла гел бергәбеҙ. Улар – беҙҙең оло таянысыбыҙ! Гүзәлиә ЙӘНТҮРИНА, IV синыф етәксеһе. Миәкә районы, Тамъян-Таймаҫ мәктәбе.

Афарин, бишенселәр!

Бишенселәргә: «Афарин!» – тиергә генә ҡала. Нәркәс Әхмәтйәнова, Дияз Мөхәмәтйәнов, Эльвина Вәхитова, Линар Ғәлимов, Айназ һәм Закир Мырҙагилдиндар уҡытыусылары Сәүиә Шәрифулла ҡыҙы Закирова менән бергәләп киләһе йылға «Йәншишмә»гә яҙылып та ҡуйҙы. Уҙған йылда ла алдырыусылар бар ине. Быйыл иһә – бөтә синыфтары менән! Яратҡан гәзиттәрен улар дәрестә лә фай­ҙалана, өйгә эш әҙерләгәндә лә ҡуллана.

Дәрестәрҙә ҡулланасаҡбыҙ

Беҙҙең Дүсән башланғыс мәктәбендә бик тырыш уҡыусылар белем ала. Районда, республикала уҙғарыл­ған төрлө конкурстарҙа ҡатнашып, мәктәп, ауыл данын күтәргән яҡшы уҡы­ған балалар ғына, тиһәк тә, хата булмаҫ. Фәтих Кәрим исемендәге Айыт урта мәктәбенең филиалыбыҙ. Дирек­тор Илмир Рәшит улы Шафиҡов тара­фынан бөтә уңайлыҡтар ҙа булдырыл­ған. Синыф бүлмәләре яҡты һәм йы­лы. Бында төплө белем алыр өсөн шарттар …

Continue reading ‘Дәрестәрҙә ҡулланасаҡбыҙ’ »

Бишенселәргә – «бишле»!

Иҫәнғолдағы башҡорт гимназияһы уҡыу­сылары быйыл да акциябыҙға ихлас ҡушылды. Был юлы бишенселәр синыфтары менән «Йәншишмә»гә яҙылды! Шундайҙар күберәк булһын ине! – Беҙҙең синыфта бөтәһе 20 уҡыусы, – тип ҡаршыланы тәрбиәселәре Гөлнара Барис ҡыҙы Бирҙеғолова. – Татыубыҙ, бер­ҙәмбеҙ. Китап, гәзит-журналдар уҡырға яратабыҙ. Искәндәр Бирҙеғолов, Фидан Дәүләтбаев, Илназ Күсәрбаев, Рената Ғайсина, Эльвира Йәғәфәрова гел «бишле»гә генә өлгәшә. …

Continue reading ‘Бишенселәргә – «бишле»!’ »

Гәзитһеҙ йәшәп булмай

Был уҡыу йылы бик күңелле башланып китте. Беҙ башланғыс синыф уҡыусыларынан урта звеноға күстек. Яңы дуҫтар, уҡытыусылар, яңы мөхит! Шулай ҙа тиҙ арала дуҫлашып, бер-беребеҙгә өйрәнеп киттек. Синыф етәксебеҙ Зарема Замир ҡыҙына рәхмәт инде. Ул беҙҙе бар яҡлап дәртләндереүсе лә, ҡурсалаусы ла булып тора. Һәр көнөбөҙҙө матур үткәрергә, телем, халҡым, тип янып йәшәргә өйрәтә.