Республика көнөнә арнап

Башҡортостандың тыуған көнөнә арнап беҙҙең 122-се башҡорт гимназияһы уҡытыусыһы Гөлнур Рамаҙан ҡыҙы Насретдинова һәм уңың өсөнсөләре менән бик матур байрам ойошторҙоҡ. Ул 47-се моделле балалар китапханаһында уҙҙы.

Күңелле дискотека менән тамамланды

Ауылыбыҙҙа мәктәп уҡыусылары һәм мәҙәниәт хеҙмәткәр­ҙәре менән берлектә Республика көнөнә арналған «Тыуған илем – Башҡортостан» исемле бай йөкмәткеле әҙәби-музыкаль кисә үтте. Тыуған ил, тыуған ер, тыуған ауыл – ниндәй изге һүҙҙәр! Ата-бабаларыбыҙ тыуған илебеҙҙе һаҡлар өсөн ниҙәр генә эшләмәгән, ниҙәр генә күрмәгән? Тарихҡа байҡау яһаһаҡ, башҡорт халҡы баш бүрегә эйәреп, Урал тауҙары итәгендә йәшәй башлай.

Ысын ир-егет өлгөһө

Ишембай районының иң йәмле бер төйәгендә Урал тауҙарының ҡуйынына ғына һыйынып ултырған бәләкәй генә Һәргәй ауылы Башҡортостан картаһында күрһәтелмәгән дә. Күп баш­ҡорт ауылдары кеүек, ул киләсәкһеҙ булған һәм бөтә барған. Һәргәй борондан эшһөйәр, уңған кешеләре менән дан тот­ҡан. Тик урман эшкәртеү комбинаты ябылып, эшһеҙ ҡалғанлыҡтан, күп ғаиләләр күсеп китә башлаған. Бына шул ваҡытта Мансур бабай …

Continue reading ‘Ысын ир-егет өлгөһө’ »

Китаптары – беҙҙең өйҙөң йәме

Минең ҡулымда – китапханасы булып эшләүсе әсәйемдең 2004 йылда Башҡортостандың халыҡ шағиры Мостай Кәрим менән бергә төшкән фотоһы. Ул Баймаҡ районында әҙәбиәт һөйөүселәр менән осрашып ҡайтып барышлай беҙ йәшәгән Билал ауылында ла туҡтала. Бөйөк яҙыусыны күреүҙәренә атайым, әсәйем, апайым да бик шат була. Уның менән ошо йылы осрашыу хаҡында йыш телгә алалар. Бәләкәйерәк саҡта һөйлә­гәндәренә …

Continue reading ‘Китаптары – беҙҙең өйҙөң йәме’ »

Ләйсәнгә етеп ҡара!

«Тамыр» балалар һәм үҫмерҙәр телеканалында «Барыһынан да юғары!» проек­ты буйынса ойошторолған бәйгелә беҙҙең IX cиныф уҡыусыһы Ләйсән Үтәбаева оло еңеү яуланы. Иң күп тауыш йыйып, бар республикабыҙға үҙенең һәләтен, мауығыу­ҙарын асып һалды. Ләйсән – ғаиләлә баш бала. 6 йыл буйына музыка мәктәбендә шөғөлләнеп, оҫта итеп аккордеонда уйнарға өйрәнде. Ырғаҡ менән бәйләй, сигә, мәрйен теҙеүҙе лә …

Continue reading ‘Ләйсәнгә етеп ҡара!’ »

Хатта бергәләп йырланыҡ та

Яңыраҡ гимназиябыҙҙа Хөсәйен Әхмәтов исемендәге баш­ҡорт филармонияһының концерт-лекторийы уҙҙы. Унда беҙҙең VIII – IX синыф уҡыусылары ҡатнашты. Баш­ҡортостан­дың атҡа­ҙан­ған артисы Рәжәп Вәдүтов ҡумыҙ, гармун, баян төрҙәре менән таныштыр­ҙы.

Батыр рухы алға әйҙәй

Башҡорт халҡының тарихында күренекле урындарҙы алып торған данлы шәхестәр бихисап. Ҡараһаҡал, Алдар, Күсем батырҙар, Салауат, Юлай, Кинйә, Ҡаһым түрә кеүек халҡы күңелендә мәңгегә ҡалған ҡыйыу ир-егеттәр, ысынлап та, булған, йәшәгән, көрәшкән. Үҙҙәре һәләк булһалар ҙа, исемдәрен үлемһеҙ иткәндәр.

Таланттар ере

Башҡортостан – ғәзиз ерем… Йөрәккә яҡын да, ҡәҙерле лә, изге лә һин! Ошо һүҙҙе ишетеү менән күҙ алдыма туғандарым, дуҫтарым, гимназиям һәм тәү тапҡыр тәпәй баҫҡан тыуған яғым килеп баҫа. Шундай ҙа гүзәл ерҙә тыуғаныма, ғәзиз туған телемдә һөйләшә алғаныма сикһеҙ бәхетлемен. Бәләкәй сағымдан уҡ матурлығың, бөйөклөгөң күңелемә һеңгән, йомартлығың йөрәгемә күскән!

Алтын миҙгел

Тауҙың ҡалҡыу еренә менеп тыуған еремде күҙәтәм. Бар тирә-яҡ төрлө төҫкә күмелгән: һары, ҡыҙыл, ә араларында йәм-йәшел булып ҡарағай, шыршылар ултыра. Әйтерһең дә, рәссам оҫталығын күрһәтеп, уларҙы матур итеп буяп сыҡҡан. Һомғол буйлы ҡайындар алтын тәңкәле бейеүсе ҡыҙыҡай һымаҡ та ул, иҫкән елгә һығыла, бөгөлә. Ҡыҙарып бешкән балан, миләш ағастары әллә ҡайҙан баҙлап ултыра.