Тәртип таҙалыҡтан башлана

Һәр яҙ һайын баш ҡалабыҙҙы сүп-сарҙан таҙартыу буйынса экологик өмәләр ойоштороу матур йолаға әүерелде. Быйыл да был изге эшкә дәррәү тотондоҡ. Тирә-яҡты сүп-сарҙан таҙартыу, урамдарҙы төҙөкләндереү һәм йәшелләндереү айлығы иғлан ителде һәм ул «Төҫлө өмәләр» проекты сиктәрендә үтә. Был юлы күләмле сара Ғаилә һәм Ирекмәндәр йылына арналды.

Ир-егеттәр спорты, тип әйтеп ҡара!

– Бер килгәндә, һеҙҙе үҙебеҙҙең чемпиондар менән дә таныштырырға теләйбеҙ, – тинеләр Шаран ауылындағы 1-се мәктәптә. – Әле сығарылыш синыфында уҡыған Алина Йыһангирова былтыр билбау көрәше буйынса үҫмерҙәр араһында үткәрелгән Рәсәй беренселегенән алтын миҙал алып ҡайтты бит. Был ҡаҙанышы менән ул белем усағының ғына түгел, ә районыбыҙҙың да данын күтәрҙе. Беҙҙең Алина уҡыуҙа ла алдынғылар …

Continue reading ‘Ир-егеттәр спорты, тип әйтеп ҡара!’ »

Ҡазандан – еңеү менән!

Яңыраҡ Татарстандың баш ҡалаһы Ҡазанда Рәсәй Федерацияһы республикаларының дәүләт телдәре буйынса Бөтә Рәсәй олимпиадаһы үтте. Ул быйыл икенсе тапҡыр ойошторолдо. Мәртәбәле һынауҙа Рәсәйҙең төрлө төбәктәре – Адыгей, Башҡортостан, Ҡалмыҡ, Карелия, Коми, Ҡырым, Мари Иле, Мордва, Саха (Яҡутстан), Тыва, Удмуртия, Хакасия, Сыуашстан һәм башҡа республикаларҙа еңгән уҡыусылар көсөн һынаны. Ҡырғыҙстандан да вәкилдәр бар ине.

Карина башҡортса өйрәнә

Был уҡыу йылы ла уңыштарға бай бул­ды. Баш­ҡорт теле һәм әҙәбиәтенән олимпиа­даның район этабын­да XI «В»нан Карина Климина, X «А»нан Анас­тасия Кочкина, VII «А»нан Карина Колтыпина – еңеүсе, ә Ульяна Ледомская, Лада Гог­лачёва, Никита Сидоров, VII «В»нан Әлиә Ғайсина призёр булды. Ҡала кимәлендә лә ошо уҡ уҡыусылар үҙҙәренең башҡорт теленән белемдәрен иҫбат итте. Улар еңеүсе …

Continue reading ‘Карина башҡортса өйрәнә’ »

Бар булмышым бейеүҙә сағыла

Башҡорт теле дәресендә Зарема Замир ҡыҙы Ғайсина менән бергәләп «Йәншишмә» гәзитен байҡап сыҡҡандан һуң үҙем менән дә таныштырырға булдым әле. Мин Башҡортостандың иң матур ауылдарының береһе булған Амангилделә ҙур, татыу ғаиләлә тыуғанмын. Әлеге көндә урта мәктәбебеҙҙең VI синыфында тырышып ҡына уҡып йөрөйөм. Әлбиттә, уҡыу­ҙан тыш, ярат­ҡан шөғөлдәрем байтаҡ.

Темәс ҡыҙы Азалиә

Йөҙҙәрендә бер аҙ уйсанлыҡ, ҡиәфәтендә оял­санлыҡ, тыйнаҡлыҡ, шул уҡ ваҡытта саялыҡ һыҙаттары күҙгә ташланып тора. Си­ныфташ­тарына һәр яҡлап та өлгө ул Азалиә Аҡбулатова. Уҡыуҙа ла һынатмай, синыфтан тыш саралар­ҙа ла әүҙем.

Чечен һуғышында ҡатнашҡан

Атайымдың исеме – Илһам. Ул 1977 йылдың 19 ғинуарында Бишҡурай ауылында Фина һәм Әхмәт олатайымдарҙың ишле, татыу, эшһөйәр ғаиләһендә донъяға килгән. Ауыл мәктәбендә һигеҙенсе синыфты тамамлағас, район үҙәге Үрге Йәркәйҙәге һөнәрселек училищеһында белем ала. Техниканы бик ярата, теләп өйрәнә. Практика үткәндә үҙебеҙҙең ауылға ҡайтып, ырҙын табағында ашлыҡ таҙартыу машиналарын хеҙмәтләндерә. Эш ваҡытында бармаҡтарын ҡыҫтыра, уны …

Continue reading ‘Чечен һуғышында ҡатнашҡан’ »

Берәү ҙә уҡыуҙан арымағайны

Яҙғы каникул мәлендә Өфөләге 102-се башҡорт гимназияһында Балалар китабы аҙналығы уҙғарылды. Уҡыуҙан арығандарҙыр, мәктәпте күргеләре лә килмәйҙер инде, тип уйлаһам, яңылышҡанмын икән. Ҡыҙҙар, малайҙар саҡырыуҙы ҙур теләк менән ҡабул итеп, ихлас ҡатнашты.

Матур йолаға әйләнде

Беҙҙә үткән аҙналыҡ барышында яҙыу­сылар һәм шағирҙар менән осрашыуҙар, төрлө конкурстар, акциялар, флешмобтар ойошторолдо. Ә шулай ҙа иң мауыҡтырғысы ғаиләгә арналған квест булды.