Уларҙы бейеү дуҫлаштырҙы

Беҙҙең гимназияла һәләтле балалар бихисап. Мин һеҙҙе бөгөн VI «Б» синыфында уҡыусы Асия Ғәлләмова, Азат Муллабаев, Софья Филиппова, Радмила Смаковалар менән таныштырырға булдым. Улар уҡыуҙа ла һынатмай, синыфтан тыш сараларҙа ла әүҙемдәр.

Һоҡландыра әхирәтем Зарина!

Был фотолағы көләс, мөләйем ҡыҙ – синыфташым һәм дуҫым Зарина Нәбиева. Беҙ уның менән Тәлғәт Рахманов исемендәге мәктәптә уҡыйбыҙ. Асыҡ йөҙлө, иғтибарлы, яғымлы ҡыҙҙы барыбыҙ ҙа – уҡытыусылар ҙа, синыфташтар ҙа ярата һәм хөрмәт итә. Тырыштарға ғына уңыш юлдаш, тигәндәй, Зарина «бишле» билдәләренә генә өлгәшә. Бынан тыш, төрлө конкурстарҙа, олимпиадаларҙа, конференцияларҙа ҡатнашып, гел еңеүгә ирешә.

Тыуған ергә һөйөү тәрбиәләйбеҙ

Саҡмағоштағы 1-се «Миләшкәй» балалар баҡсаһында күңелле тормош геүләй. Унда аҙна һайын тәрбиәүи саралар үтеп кенә тора. Тәрбиәселәр тарафынан ойошторолған был кисәләр кескәйҙәрҙә ватансылыҡ хистәре, тыуған ергә һөйөү, туған телгә, үткән тарихҡа, оло быуынға ихтирамлы булыуҙы тәрбиәләй.

Өфө ирекмәндәре – Әбйәлилдә

Баш ҡалабыҙҙың төрлө уҡыу йорттарында алты ирекмән отря­ды ойошторолған. «Ҡарлы десант» акцияһы иғлан ителгәс, һәр бере­һе үҙенә район һайлап алған да ярҙам итешергә юлланған. Өфө дәүләт авиация техник университетынан «Көс-быуын» исемле отрядтың студенттары беҙгә килде. Командирҙары – Марсель Йосопов. Был­тыр ноябрҙә генә тупланһалар ҙа, күп изге эштәр башҡарырға өлгөргәндәр.

100 башҡорт китабы

Ауылыбыҙ китапханаһында Райхана Булатова ойошторған «Һәр кем уҡырға тейешле йөҙ башҡорт китабы» исемле акция иғлан ителде. Һәр кем унан башҡорт китаптары алып уҡып, аҙаҡ йөкмәткеһе тураһында ҡыҫҡаса мәғлүмәт ҡалдырырға тейеш. Иң матур яҙған авторға шәп бүләк тә әҙерләнгән.

Стәрлетамаҡтан – бүләк, дипломдар менән!

Яңыраҡ Стәрлетамаҡтағы 3-сө гимназияла «Жәлил Кейекбаев уҡыуҙары» тигән фәнни-ғәмәли конференция үткәрелде. Унда беҙҙең гимназис­тар ҙа ҡатнашты һәм призлы урындар яуланы. Ун беренсенән Розалина Ибраһимованың Мостай Кәрим ижадына арналған эше I урынға лайыҡ булды (етәксеһе – Флүзә Рәжәп ҡыҙы Харрасова). IX синыф уҡыусыһы Наҙгөл Хәлитова уҡытыусыһы Әлфиә Ғәйзулла ҡыҙы Рәжәпова менән яҡташ яҙыусыбыҙ Баязит Бикбайҙың тыуған …

Continue reading ‘Стәрлетамаҡтан – бүләк, дипломдар менән!’ »