Беҙҙең лауреаттар

Гәзит сығарыу бер кешенең генә хеҙмәте түгел. Уны күмәкләп, уҡыусыларыбыҙ менән бергәләп әҙерләйбеҙ. Ошо уңайҙан өлкән авторҙарыбыҙ – Айгөл Йәһүҙина, Илзирә Ғарифуллина, Любовь Оснач, Сәлиә Әхмәтшина, Элеонора Сәйетгәрәева (Өфө), Флүрә Шакирова (Белорет), Райхана Булатоваларға (Баймаҡ) оло рәхмәтебеҙҙе еткерәбеҙ. «Йәншишмә»не алдырып уҡығандарға был исемдәр, әлбиттә, таныш. Улар – барыһы ла китапхана хеҙмәткәрҙәре һәм йыл буйына әүҙем …

Continue reading ‘Беҙҙең лауреаттар’ »

Эстафетаны Зәлиә ҡабул итте

2018 йылда әүҙем яҙышҡаны өсөн «Йәншишмә» гәзитенең Ғәбиҙулла Зарипов исемендәге премияһына Зәлиә Алтынбаева лайыҡ булды Гәзитебеҙ булдырған Ғәбиҙулла Зарипов исемендәге премияға былтыр Бөрйән районының Байназар мәктәбенән Сәлимә Дәүләтшина лайыҡ булғайны. Эстафетаны ул ауылдашы Зәлиә Алтынбаеваға тапшырған кеүек килеп сыҡты. Әйткәндәй, бик тырыш, егәрле ҡыҙ. Йыл әйләнәһенә төрлө темаға яҙылған матур йөкмәткеле хаттарҙы яуҙырҙы ғына.

Велосипед – Хәйбулланан Айтуғанға!

Бына, дуҫтар, өр-яңы йылда һеҙҙең менән тағы осраштыҡ. Беҙҙең менән бергә ҡалыуығыҙ өсөн ҙур рәхмәт! 2019 йылға «Йәншишмә»гә яҙылыусылар араһында отош уйыны ойоштор­ғайныҡ. Вәғәҙә иткәнебеҙсә, төп бүләк велосипед ине! Уны оторға теләп, квитанцияларын ебәреүселәр күп булды. Уйынды Хөсәйен Әхмәтов исемендәге Башҡорт дәүләт филармонияһы артисы, яратҡан йырсыбыҙ Искәндәр Ғәзизов менән бергә күңелле итеп үткәрҙек.

Ҡыш бабай бүләктәре

Бына тағы ла бер йыл артта ҡала. Ул республикабыҙҙа Ғаилә йылы тип иғлан ителгәйне. Шул айҡанлы Башҡортостандың төрлө тарафтарынан бик күп хаттар алдыҡ. Шундай тырыш, уңған, өлгөлө ғаиләләр барлығына бергәләп ҡыуандыҡ.

Календарь өсөн рәхмәт!

Билдәле эшҡыуар, йәмәғәт эшмәкәре, «Урал» башҡорт халыҡ үҙәге етәксеһе Риф Шәрифрахман улы Иҫәнов киләһе 2019 йылға «Йәншишмә» гәзитенә стена календарын эшләтте.3 мең тираж менән сығарылған сағыу йылъяҙманы әҙерләүгә «Урал» ойошмаһы етәксеһенең урынбаҫары Нияз Мәһәҙиев, журналист Азамат Мәһәҙиев, гәзитебеҙҙең ветераны Зөһрә Ҡотлогилдина, фотохәбәрсе Игорь Киняпин, рәссам-дизайнер Рөстәм Илтенбаевтар ҙур тырышлыҡ һалды. Рәхмәт уларға.

Герой балалар тураһында фильм

Республиканың йәш гвардиясылары герой-балалар тураһында документаль фильм төшөрәсәк. Уның презентацияһы 2019 йылдың февралендә бәләкәй геройҙарҙың II төбәк форумы сиктәрендә үтәсәк. Был проект конкурста еңеү яулап, Рәсәй Федерацияһы Президентының Гранттар фонды эксперт комиссияһының ярҙамын алғайны.

Беҙҙекеләр Гран-при яуланы

Һөйөнсө! Башҡортостан Төркиәлә үткән умартасылыҡ конгресында Гран-приға лайыҡ булды. Унда беҙҙең Умартасылыҡ һәм апитерапия буйынса ғилми тикшеренеү үҙәге Рәсәй исеменән ҡатнашҡайны. Бал етештереү һәм һатыу, умар­тасылыҡ һөнәренә бәйле конференциялар, сессиялар ойошторолғайны. Башҡортостан үҙ мөмкинлектәре, 2022 йылда беҙҙең республикала уҙасаҡ халыҡ-ара умартасылар форумына әҙер­лек барышы менән таныш­тыр­ҙы.

Һөйөнсө!

Мәүлит Ямалетдин етәкселегендә «Өлкәр» һәләтле балаларҙы күтәрмәләү хәйриә фонды ярҙамы менән быйыл Белорет ҡалаһында уҙған «Илһам» балалар ижады фестиваль-конкурсының әҙәби-нәфис баҫмаһы – «Өлкәр» альманахы донъя күрҙе. Унда бәйгелә еңеү яулаған уҡыу­сыларҙың иң яҡшы шиғыр­ҙары, хикәйәләре һәм әкиәттәре ингән. Белорет, Бөрйән, Учалы төбәктәрендәге йәш авторҙарҙың яҙмаларынан тыш, Әбйәлил районынан Ғамир Заһретдинов (Байым мәктәбе), Зәлиә Сәғәҙәтова (Ҡыр­ҙас), …

Continue reading ‘Һөйөнсө!’ »

Салауат Юлаев менән осрашҡандай булдым

Баш ҡаланың «Родина» кинотеатрында ҙур ваҡиға – «Салауат юлдарынан» фильмының премьераһы булып үтте. Фойела алма төшөрлөк тә урын юҡ ине: халҡыбыҙҙың билдәле шәхестәре, интеллигенция вәкилдәре, милли батырыбыҙ тураһындағы яңы фильмдың экранға сыҡҡанын түҙемһеҙлек менән көтөп алған милләттәштәребеҙ эркелеп килгәйне.

«Өс таған» фильмы төшөрөлә

«Ыҫмала төҫлө ҡара ҡуйы сәсле, ҡылыс танаулы сандыр малай Ғабдулла исемле. Уның сәсенә ҡулыңды тейҙерһәң, бармаҡтарың сатнап йәбешер һымаҡ. Йәмшек танаулы, табаҡ битле йыуаны – Вәзир, һыуыҡта ла, эҫелә лә уның ике бит алмаһы гел ҡыҙарып янып тора. Вәзирҙең күҙҙәрен сылт-сылт йома торған ғәҙәте бар. Бер саҡ яңы килгән уҡытыусы апай, үсекләшә тип уйлап, ошо …

Continue reading ‘«Өс таған» фильмы төшөрөлә’ »