Шатлығым сикһеҙ

Ҙур һөйөнөсөм менән уртаҡлашҡым килә. Айзат ағайым Алыҫ Көнсығышта хеҙмәт итеп ҡайтты. Ул иртәнге алтынсы яртыла өйгә ҡайтып ингәс тә, мине уятып һөйҙө. Шул тиклем шатландым! Үҙем уны ныҡ һағынып көттөм бит.

Бәләкәйҙән белеп үҫәләр

«Сулпылар» балалар баҡсаһында Ғаилә йылына арнап «Минең шәжәрәм» исемле күргәҙмә ойошторолдо. Һәр төркөмдән тәрбиәләнеүселәр фантазияларын егеп, ғаиләләренең нәҫел ағастарын эшләне. Мәҫәлән, икенсе төркөмдән Амалия Ғафарова, Азалина Саламатова, Линар Тойғонов, кескәйҙәрҙән Әмир Туйсин, уртансыларҙан Альбина Малабаева, Элина Саламатова, Ислам Атанғолов, Динара Халиҡова, Алтынай Таштимерова, Диана Вәлитова, өлкәндәрҙән Алина Ишйәрова, Риана Һөйәрғоловаларҙың шәжәрәләре бик матур килеп сыҡҡан.

Һоҡланмау мөмкин түгел

Телевизор экраны аша уны күргәнегеҙ бар. Йырларға, бейергә яратҡан ҡыҙ «Тамыр» студияһында шөғөлләнә. Дүрт йәшенән «Әкиәт китабы», «Сәңгелдәк», «Иләү» кеүек тапшырыуҙарҙа ҡатнаша. Алып барыусы ла булған хатта. Алты йәшенән вокаль-бейеү төркөмөнә йөрөй башлай. Быйыл яҙғыһын «Тамыр» телеканалы ойошторған «Хал­ҡым йыры – тамырымда» тигән байрам сараһында ла ҡатнаша. «Башҡортостан» дәүләт концерт залының ҙур сәхнәһендә синыфташы Искәндәр …

Continue reading ‘Һоҡланмау мөмкин түгел’ »

Һәр минуты ҡәҙерле

Матур миҙгел ет­те. Һәр кем йәйге ялды түҙемһеҙлек менән көтә һәм фай­ҙалы, фәһемле итеп үткәрергә тырыша. Минең өсөн иң рәхәте – ауылда өләсәй, ҡартәсәй-ҡартатайҙар янында булыу. Йыл һайын ҡус­тым Илсур менән яратҡан кешеләребеҙ эргәһенә ҡайтабыҙ. Атай-әсәйебеҙҙең тыуып үҫкән Баймаҡ районының Аҡморон, Йомаш яҡтары беҙгә лә яҡын, ҡәҙерле. Унда беҙ йәй буйы рәхәтләнеп ял итәбеҙ: эҫе …

Continue reading ‘Һәр минуты ҡәҙерле’ »

Ялым күңелле үтә

Каникулым бик һәй­бәт башланды. Гимназияның «Ҡурай» ла­герында ял иттем. Ун­да беренсе синыфтан алып йөрөйөм. Лагерҙа бик күңелле булды. Беҙҙе вожатыйҙар паркка, киноға, экскурсияға, бассейнға йөрөттө. Бигерәк тә һыу инеү оҡшаны.

Йөрәктауға сәйәхәт

Уҡыуҙар тамамланғас, атай-әсәйҙәребеҙ менән бергәләп Йөрәктауға сәйәхәткә барҙыҡ. Бик күңелле булды. Тауҙың иң башына менеп, үҙебеҙҙең синыфтың флагын ҡаҙаныҡ. Матур уйҙар ғына уйлап, изге теләктәр теләнек. Төшкөһөн бергәләп сәй эсеп алғас, ҡыҙыҡлы уйындар башланды. Сәйәхәт ныҡ оҡшаны. Яңы көс, дәрт алып ҡайттыҡ. Азалиә ЛАТИПОВА, IV «Б» синыфы уҡыусыһы. Өфө ҡалаһы, Фатима Мостафина исемендәге 20-се башҡорт …

Continue reading ‘Йөрәктауға сәйәхәт’ »

Олатай-өләсәй янында

Эх, яратам ошо йәмле йәй айҙарын! Был юлы ла уҡыуҙы уңышлы тамамлап, каникулға Благовар районында йәшәүсе өләсәйем менән олатайым янына ҡайттым. Ауылда ваҡытты уйнап ҡына уҙғармайым, өй тирәһендәге төрлө эштәрҙе үтәргә лә өлгөрәм. Баҡсаны сүп-ҡыйҙан таҙартам, себештәргә ем бирәм, көтөү ҡаршылайым. «Эш бөткәс, уйнарға ла ярай», – тип йыш әйтә өләсәйем. Шуға ла буш ваҡытымда …

Continue reading ‘Олатай-өләсәй янында’ »

Берҙәмлектә – көс!

Бына беҙ, ниһайәт, дүртенсе синыфты тамамланыҡ. Ә бит ҡасан ғына беренсегә уҡырға килгән инек. Дүрт йылыбыҙ күҙ асып йомғансы үтеп тә китте. Ошо ваҡыт эсендә беҙҙең уҡытыусыбыҙ Гөлназ Әнүәр ҡыҙы Мөхәмәтйәнова күп нәмәгә өйрәтте, төплө белем бирҙе. Беҙ уға иғтибарлылығы һәм сабырлығы өсөн бик рәхмәтлебеҙ.