Спорт ярата беҙҙең малайҙар

Һеҙ фотола күргән малайҙар – синыфыбыҙҙың ғорурлығы. Улар – көслө, өмөтлө спортсыларыбыҙ. Физкультура, хеҙмәт дәрестәрен яраталар, көтөп алалар. Уҡытыусыларыбыҙҙан да бик уңдыҡ. Хеҙмәттән – Булат Салауат улы Туҡтамышев, ә физкультуранан Вәзих Минвәғиз улы Әфләтүнов һәм Илмир Марат улы Түләбаев уҡыта. Уларҙы хөрмәт итәбеҙ, дәрестәре бик ҡыҙыҡлы һәм матур үтә.

Икеһе лә – шахматсы

Илнар Мораҙымов шахмат уйнарға 5 йәшендә үк өйрәнә. Нисекме? Компьютер ярҙамында. Хәҙер, ана, нисек оҫтарып алған! Өйҙәгеләрҙең береһенән дә еңелмәй. Ул Береш ауылында йәшәһә лә, Асы мәктәбенә йөрөп уҡый. Әле яңыраҡ унда шахмат ярышы үткән икән. III синыф уҡыусыһы IX синыфта уҡыған ағай-апай­ҙары менән көсөн һынап, еңеү яулаған. Почёт грамотаһы менән бүләкләгәндәр үҙен.

Шашка уйнайбыҙ

Шашка уйнарға яратаһығыҙмы? Беҙгә бик оҡшай ул. Мәктәбебеҙҙә шашка турниры ла үткәрелде. Бөтә синыфтарҙан һәйбәт уйнаған ике малай һәм ҡыҙ һайлап алынды. Ярыш бәләкәстәр һәм өлкәндәр төркөмөндә барҙы. Тәүҙә улар синыфташтары менән уйнаны, унан еңеүселәр башҡа синыфтыҡылар менән көс һынашты. Шулай итеп, I – IV синыфтар араһында I урын­ды икенсенән Ғәзиз Айытбаев яуланы, V – …

Continue reading ‘Шашка уйнайбыҙ’ »

Өфөнән Астанаға тиклем

Һаулығы буйынса мөмкинлеге сикләнгән Илдар Ғәлиәкбәров апрель башында алыҫ юлға сыҡҡайны. Әле бына яңыраҡ иҫән-һау әйләнеп ҡайтты. Ул үҙ коляска-велосипедында Өфөнән Астанаға тиклем 20 көн эсендә 1 мең 500 километр араны үтә. Юлда төрлө хәлдәргә тарыған: велосипеды ватылған, ярҙам кәрәк булған. Әммә яҡташыбыҙ юғалып ҡалмаған, ауырлыҡтарға бирешмәгән.

Сәләмәт тәндә – сәләмәт рух!

Бөтә донъя сәләмәтлек көнөнә арнап Байназар ауыл китапханаһы «Сәләмәт тәндә – сәләмәт рух» исеме менән ҙур байрам үткәр­ҙе. Китапхана хеҙмәткәрҙәре Сәлиә Вәлимөхәмәт ҡыҙы Ишбулатова һәм Роза Сәлимйән ҡыҙы Айытбаева һаулыҡ темаһына ярашлы төрлө башватҡыстар, уйындар әҙерләгән ине. Кисәлә беҙҙең мәктәп уҡыу­сылары ҡатнашты. Уның барышында ҡыҙҙар, малай­ҙар үҙҙәрен хәрәкәтле уйындарҙа һынап ҡараны. Спорт төрҙәре, улар­ҙың барлыҡҡа …

Continue reading ‘Сәләмәт тәндә – сәләмәт рух!’ »

Изгелек ерҙә ятып ҡалмай

Ир-егет үҙ ғүмерендә кәмендә бер ағас ултыртыр­ға, йорт төҙөргә һәм ул үҫтерергә тейеш. Ошонан сығып, һәр кеше аҡса мөмкинлегенә, биләгән вазифаһына, йәмғиәттә тотҡан урынына ҡарап, үҙенең тыу­ған ауылын, ҡалаһын, районын, республикаһын тө­ҙөкләндерергә бурыслы. Үҫеп килгән быуын үткәндәрҙе барлап, үҙенең ата-бабаһы менән ғорурланырлыҡ булһын. 13 апрель – изгелек күр­һәтеүсе һәм меценат (фәнде һәм сәнғәтте яҡлаған бай …

Continue reading ‘Изгелек ерҙә ятып ҡалмай’ »

Хоккейҙы ҡурҡаҡтар уйнамай

Бигерәк бәхетле инде Айыт малайҙары! Бындай хоккей майҙаны ҡала мәктәптәрендә лә бик һирәк. Кейемдәре лә шундай матур! Ҡапҡасы Әлмир Кәлимуллинды күреү менән, ирекһеҙҙән, уны «Салауат Юлаев» командаһы уйынсыларына оҡшатып ҡуяһың. IV синыфта ғына уҡый, тип уйламаҫһың да. Үҙен шундай ышаныслы тота. Күренекле ауылдаштары Илдар Ғимаев исемен йөрөткән команда бит улар.

Һаулығың – байлығың

Һаулыҡ – ҙур байлыҡ. Ә уны һаҡлау өсөн нимә эшләргә һуң? Табиптар  әйтеүенсә,  яҡшы туҡланырға, сәләмәт тормош алып барырға һәм спорт менән шөғөлләнергә кәрәк. Ә беҙҙең мәктәптә һаулыҡты нығытыр өсөн бөтә шарттар булдырылған. Йыл әйләнәһенә волейбол, баскетбол, пионербол, көрәш секциялары эшләй. Йылына ике тапҡыр ГТО нормативтарын тапшырабыҙ.

Донъя чемпиондары – гимназияла

Гимназиябыҙҙа шашка буйынса донъя беренселегенә килгән ҡунаҡтар менән осрашыу булды. Төрлө илдәрҙән килгән 6 спортсы белем усағының тормошо менән танышты, гимназистар менән шашка буйынса көс һынашты. Ҡунаҡтарҙың да ниндәйе бит әле! Валнерис Гунтис (Латвия), Мунхбаатар Нямжаргал (Монголия), Н’Диага Самб (Сенегал), Равжирын Манлай (Монголия), Аллан Игорь Морено Силва (Бразилия), Айгөл Иҙрисова (Башҡорт­остан) – был шашкасыларҙың исемдәре …

Continue reading ‘Донъя чемпиондары – гимназияла’ »

Байназарҙарға етеп ҡара!

Мәктәбебеҙҙә район буйынса саңғы ярышы үтте. Ҡар яуып, буранлап тороуға ҡарамаҫтан, һәр кем күтәренке кәйеф, яҡты сырай, иң мөһиме, еңеүгә ынтылыш менән килгәйне. Уҙыш бик ҡыҙыу барҙы, ҡатнашыусыларҙың йөҙөндә еңеү шатлығы ла, күҙ йәштәре лә күренде. Шарттар буйынса 2003 – 2004 йылғы егеттәр – 5, ҡыҙҙар – 3, ә 2005 – 2006 йылғылар 3 һәм …

Continue reading ‘Байназарҙарға етеп ҡара!’ »