Мөғжизәләр һынландыра

Ябай ғына күренгән пластилиндан эшләнгән был илаһи ижад емештәренең матурлығына һоҡланып ҡарағанда «Матурлыҡ донъяны ҡотҡарыр» тигән һүҙҙәрҙең дөрөҫлөгөнә тағы бер ҡабат ышанаһың. Һәр береһенән айырым бер ихласлыҡ, йылылыҡ бөркөлөп торғандай…

Уйынсыҡтар яһарға өйрәндем

Интернет селтәренән ҡарап уйынсыҡтар эшләргә өйрәндем әле. Был ысул «фел­тинг» тип атала. Ҡул эштәре менән ултырыу ниндәйҙер әйберҙең етмәүенән түгел, ә кү­ңел талабы ул. Уларҙы эшләгәндә йән тыныслығы табам. Яратҡан шөғөл кәйефкә лә ыңғай йо­ғонто яһай.

Эшләгәнең – кешегә, өйрәнгәнең – үҙеңә…

Беҙҙең интернат-гимназияла һәр дәрес ҡыҙыҡлы ла, үҙенсәлекле лә үтә. Уҡытыусылар малайҙар һәм ҡыҙҙарҙы белем донъяһына ылыҡтырыу маҡсатында бар көсөн һала. Хеҙмәт дәресен дә уҡыусылар көтөп ала. Сөнки унда тормошта кәрәк буласаҡ һөнәрҙәргә өйрәнәләр бит.

Ҡыҙҙар ҙа ҡалышмай

Салауат Шәймөхәмәт улы Миңлеғәлин 40 йылдан артыҡ Ҡыҙрас мәктәбендә технология дәресен алып бара. Тәжрибәле уҡытыусы үҙенең бөтә белгәндәрен уҡыусыларына еткерергә тырыша. Элек, уҡыусылар күберәк ваҡытта, бында ҙур оҫтахана, төрлө станоктар бул­ған. Эштәре менән район, республика кимәлендә үткән конкурс­тарҙа, олимпиадаларҙа ҡатнашып торғандар. Һынатмағандар. Түңәрәктә шөғөлләнеүселәр һаны егерменән дә кәм булмай. Хәҙер түңәрәк бөтөнләй эшләмәй. Ни өсөн …

Continue reading ‘Ҡыҙҙар ҙа ҡалышмай’ »

Матурлыҡтың юҡтыр сиктәре

Күҙ ҡамаштырырлыҡ был эштәрҙең барыһын да София Рюриковна Миняйлова үҙ ҡулдары менән башҡарған. Ул егерме йылдан артыҡ инде Межгорьелағы мәҙәниәт һәм ял итеү үҙәгендә эшләп килгән «Селтәр» түңәрәген етәкләй. Өлкәндәр ҙә, балалар ҙа унда теләп йөрөй. Ошондай эшкә бер өйрәнеп алһаң, үҙе ни тора?! Матур итеп өйөңдө биҙәргә лә мөмкин, бүләккә лә шәп.

Кейеҙ баҫа Зүлиә

Кейеҙ баҫыу – халҡыбыҙҙың борон-борондан килгән кәсебе. Ул әле лә онотолмай, киреһенсә, өйрәнергә теләүселәр һаны арт­ҡандан-арта ғына. Мәктәбебеҙҙең II синыф уҡыусыһы Зүлиә Мәжитова ла кейеҙ баҫыуҙың бар нес­кәлектәрен дә белә. Нәзифә еңгәһенең һарыҡ йөнөнән матур быймалар эшләгәнен күргәс, унда ла был шөғөлгә өйрәнеү теләге уяна. Башта ул кейеҙҙе экологик яҡтан ентекләп өйрәнә. Һарыҡ йөнөнән эшләнгән …

Continue reading ‘Кейеҙ баҫа Зүлиә’ »

Ҡаныҡай оҫталары

Күп кенә хеҙмәт дәресе бүлмәләрендә булырға тура килә. Күргәҙмә залын хәтерләтә улар. Уҡытыусының эше шунда сағыла ла инде. Ҡаныҡай мәктәбендә лә ҡул эштәрен күреп һоҡландыҡ. Ҡыҙ­ҙар өсөн хеҙмәт дәрестәрен Флорида Мырҙа ҡыҙы Сабитова үткә­рә икән. Оҫта ҡуллы уҡытыусы уҡыу­сыларын да нимәләр генә эшләргә өйрәтмәгән?! Шкаф башында ултырған төрлө матур-матур хеҙмәт емештәрен ҡарап сыҡ­ҡас, эстә ятҡандарын …

Continue reading ‘Ҡаныҡай оҫталары’ »

Уйынсыҡтар ҙа яһай

Беҙ Дүсән башланғыс мәктәбенә лә инеп сыҡтыҡ. Ҙур ғына белем усағы, ҡасандыр бында урта мәктәп булғаны күренеп тора. Тыуған яҡты өйрәнеү музейы бар. Тәүге уҡыу сиреген матур тамамлап, икенсеһен дә дәртләнеп башлап ебәрҙе кескәйҙәр. Иң тырыш уҡыусылар­ҙың береһе – IV синыфтан Эмиль Халиҡов менән таныштыҡ.

Лиәнең сәскәләре

Бынау күҙ яуын алырлыҡ сәскәләргә ҡарап һоҡланып туймаҫлыҡ. Бөтәһе лә – IX синыф уҡыусыһы Лиә Айытбаеваның оҫта ҡулдары тыуҙырған гүзәллек. – 2 – 3 йыл элек әсәйем мауыға башлағайны, мин дә ҡыҙығып китеп, интернеттан бергәләп өйрәндек. Ваҡ эш инде, түҙемлек тә кәрәк был сәскәләрҙе яһап ултырырға, әммә миңә бик оҡшай. Пайеткаларҙан эшләүе еңелерәк һәм тиҙерәк, …

Continue reading ‘Лиәнең сәскәләре’ »