Ҡәҙерле дуҫтар! 10-ынан 20 майға тиклем гәзит-журналдарға яҙылыу ун көнлөгө бара. Әйҙәгеҙ, мөмкинлектән файҙаланып, «Йәншишмә»гә арзаныраҡ хаҡҡа яҙылып ҡалайыҡ. Гәзитебеҙҙең индексы – П2765. Ярты йылға яҙылыу хаҡы – 420 һум 42 тин.
Был аҙнала кемдәр бүләк хужалары булды, тиһегеҙме? Сибайҙағы интернат-гимназиянан башҡорт теле һәм әҙәбиәте уҡытыусыһы Әлнисә Алдырханова менән Әбйәлил районы Теләш ауылынан Рина Бәшәровалар. Икеһенә лә сәй сервизы тапшырылды. Уларҙы ҡотлайбыҙ, гәзиттән айырылмауҙарын теләйбеҙ. Уйын дауам итә. Бүләктәр ҙә көтә. Кемегеҙ отор икән?
Башланды ла яҙғы эштәр, Гөр килә беҙҙең баҡса. Мәж килеп эшләп ҡалайыҡ, Шундай көн матур саҡта. Көрәк, тырмалар ҡулдарҙа, Тырыша барыһы ла. Ҡыуаҡлыҡтарҙы рәтләйбеҙ, Түтәлдәр ҙә ҡаҙыла.
Тыуған илем – ғәзиз ерем, Башҡортостаным минең. Һиңә булған саф һөйөүем Һаҡланыр ғүмер буйы.
Республикабыҙҙа шундай исемле Бөтә Рәсәй акцияһы бара. Ул 14 майҙа башланып, 15 июнгә тиклем дауам итәсәк. Ярыш форматында уҙғарылған акцияла теләгән һәр кем ҡатнаша ала. 300 килограмдан ашыу иҫке ҡағыҙ тапшырыусыларға аҡсалата премия һәм ҡиммәтле бүләктәр ҙә ҡаралған.
Рәсәйҙә «Мәктәп хәүефһеҙлеге» тигән проект булдырыла. Дума депутаттары ошондай мәғлүмәт-белем биреү порталы ойошторорға тәҡдим итә. Унда балалар һәм ата-әсәләр өсөн именлек һәм хәүефһеҙлек дәрестәре бирелә. Һәр төбәк өсөн климат, инфраструктура һәм башҡа үҙенсәлектәрҙе иҫәпкә алып, тирә-яҡ һәм тормош хәүефһеҙлеге буйынса айырым программа булдырыу ҡарала. Балаларҙы проектҡа нығыраҡ йәлеп итеү өсөн мобиль ҡушымта уйлап сығарырға тәҡдим …
Рәсәй Федерацияһының Мәғариф һәм фән министрлығы үткәргән конкурста барлығы 89 белем биреү учреждениеһы ҡатнашҡан. Унда еңеп, 2 миллион һум грантҡа лайыҡ булыусылар араһында баш ҡаланың 212-се балалар баҡсаһы ла бар. Әйткәндәй, уның нигеҙендә мәктәпкәсә йәштәге белем биреү учреждениеһына йөрөй алмаған балаларҙың атай-әсәйҙәре өсөн консультация-диагностика үҙәге асылған. Бында бушлай консультация һәм психологик ярҙам да алырға мөмкин. …
Был көндө рәхәтләнеп көлдөк тә, шаярҙыҡ та. Ни өсөн, тиһегеҙме? Шаяндар һәм отҡорҙар конкурсы. Синыфтар араһында уҙасаҡ ярыш иғлан ителеү менән әҙерлек дәррәү генә башланды. Ойоштороусылар ҙа сараның Ғаилә йылына арналыуын һәм башҡорт телендә барасағын алдан иҫкәрткәйне.
Бер көн дәрестә Борис Домашников ижады менән таныштыҡ. Башҡорт теле һәм әҙәбиәте уҡытыусыһы Әлфирә Хәйрулла ҡыҙы Әхмәтова рәссамдың тормош юлы тураһында һөйләне һәм уның һүрәттәрен күрһәтте.
Бикбулат – райондың иң матур ауылдарының береһе. Бай тәбиғәте, саф һауаһы, йәшел урмандары, хеҙмәт һөйөүсән халҡы менән дан тота ул.
