Ҡар яуғас

Әкиәттәй матур бөгөн
Беҙҙең ауыл урамы.
Ап-аҡ ҡарҙар күмеп киткән
Мөйөштәге бураны.

Ерҙәге ҡар бөртөктәре
Оҡшаған күбәләккә.
Улар, гүйә, бейей төҫлө,
Теҙелеп түңәрәккә.

Шау-гөр килеп тау шыуабыҙ,
Көрттәрҙән юлдар ярып.
Беҙгә шулай көс өҫтәй гел
Ауылдың ап-аҡ ҡары.

Зөһрә КАШАПОВА, уҡытыусы.
Әбйәлил районы, Асҡар ауылы.

Добавить комментарий

Ваш e-mail не будет опубликован. Обязательные поля помечены *

*

code